“الراحل شكرى سرحان عملى عاهة مستديمة في عينى”.. شريفه ماهر تثير الجدل بسبب تصريحاتها مع محمد الغيطى

أكدت الفنانة المعروفة شريفة ماهر، على أنها لا ترى جيداً بعد ان تعرضت للإصابة منذ نحو 61 عاماً أو أكثر، وذلك أثناء تصوير مشاهد الفيلم الشهير “أعز الحبايب”.

وكشفت شريفة ماهر، أثناء استضافتها ببرنامج “تقدر مع الغيطى”، والذى يقوم بتقديمه الاعلامى الشهير محمد الغيطى، وصرحت بأنها لا ترى جيداً بسبب هذه الإصابة، وعلقت قائلة:ـ “وإحنا بنصور مشاهد فيلم أعز الحبايب الراحل شكرى سرحان لما خبطنى بالقلم طير ليا عين بجد”.

وأضافت الفنانة:ـ “الفنان شكرى فضل يعيط فترة كبيرة وأنا قلتله إنت عبيط ولا إيه ده قضاء وقدر وأمر الله، وكمان الإصابة نصف عمى، والدكتور حازم عطية قفلى عينى علشان يبقوا زى بعض”.

وتحدثت الفنانة ماهر أيضاً خلال اللقاء، عن أزمتها الأخيرة مع أولادها وصرحت بأن نجلها جعلها تُوقع على تنازل عن شقتها دون علمها وأرجعت السبب في أنها لا ترى جيداً.

وقامت الفنانة بتوجيه رسالة لأبنائها، وطالبت كل ابن أن يكون بار بوالدته وخصوصاً بعد الحوادث الغريبة التى تحدث من الابناء ضد الآباء والأمهات والتى نسمع عنها في الوقت الحالى، وعلقت وقالت:ـ “أنا شوفت حاجات كتير حصلت اليومين دول لواحد ظلم ناس كتير.. ربنا جابله بلوة”.

وأنهت شريفة قائلة:ـ “وكل اللى أقدر أقوله في الوقت الحالى حسبى الله ونعم الوكيل.. الفلوس بقت بتجنن الناس خلاص، ودلوقتى بقا الواحد بيحب الفلوس أكتر من ربنا وأُمه وأبوه والغريبة إنك تلاقيه بيصلى.. بتصلى ماشى بس شوف أُمك.. بنتى مخصمانى من سنة ونصف أو أكتر منها لله عمرها ما كانت أحن، والغريب إنها كانت نور عينى وهى صغيرة  بس كانت جامدة، وبنتى الصغيرة الله يباركلها هى اللى شالتنى وفضلت معايا، والحمد لله هو اللى ساترنى وأنا مش بيفرق معايا المال”.