كشفت الراقصة الجميلة صافينار، عن كواليس من حياتها الشخصية والفنية، وأشارت إلى أنها لا تُفكر على الإطلاق في الاعتزال، وتحدثت أيضاً عن أنها لا تُحب أن تموت وهى ترقص، وأنها تدعوا الله قبل أن تطلع على المسرح.
وأكدت الفنانة، أثناء استضافتها ببرنامج “تابو”، والذى يقوم بتقديمة الاعلامى نزار الفارس، وقالت:ـ “أحسن حاجة تحصل للبني آدم إنه يكون عنده فرصة قبل ما يموت حتى ولو كان 10 دقائق يصلي، وأنا على قد ما يكون طاقة هفضل أرقص ومش هبطل”.
وأوضحت صافينار، إلى أنها تقوم بأخذ أجازة في شهر رمضان ولا ترقص، وبالرغم من أنها مسيحية الديانة إلا أنها تصوم وتُفطر مع زملائها بالعمل، وكشفت عن أنها تزوجت من مسلم الديانة حيث قالت:ـ “متجوزناش بالديانة، وكمان مروحناش كنيسة، وكل اللي عملناه ورقة في المحكمة، وعلى فكرة أنا مش بحب حد يقرب من ديانتي خالص”.
وحينما سؤلت عن قصص الحب في حياتها، على الرغم من كثرة مُعجبيها قالت:ـ “الحمد لله عندي معجبين كتير، ولكن اللي دخلوا حياتي 3 أو 4 بس، ومش ممكن أحبهم لأني شخصية غريبة بحب بعد الجواز مش قبله، وده علشان الحب مش بيحي بسهولة.. لازم يكون جوزي عشان أحبه”.
وأشارت الراقصة، إلى أن من يجعلها تقرر الزواج به هو من ترى منه مدى حبه لها، وعلقت قائلة:ـ “العرض اللي ممكن أشوفة من اللي هتجوزه ووافق عليه، هو إني أتأكد إنه بيحبني أوي، وعلى فكرة مش بحب الغيرة لدرجة الجنون.. صعبة أوي”.
وحينما سؤلت عن عدم انجابها طفلاً، قالت:ـ “ما قابلتش راجل أقدر أقول عليه أبو ابني أو بنتي، وممكن أوي إني اتبنى طفل، والرقاصة أفضل من ناس كتير، وفيفي عبده عندها بنتين ودينا عندها ولد، ولكني لو خلفت بنت مش هوافق اتها تشتغل رقاصة، وده علشان مهنة الرقص مُتعبة في كل حاجة”.
