كشفت الفنانة الجميلة ريم مصطفى، عن بالغ سعادتها بعد مشاركتها في مسلسل “سره الباتع” للمخرج المعروف خالد يوسف، والذى من المقرر أن يعرض خلال شهر رمضان الحالى، ويضم العمل مجموعة كبيرة من نجوم الفن على مستوى مصر والوطن العربى.
ريم مصطفى عن مسلسل "سره الباتع": «إزاى إحنا في مصر ونعمل حاجة قوية بالشكل ده»
وأكدت الفنانة، أثناء مداخلة هاتفية ببرنامج “كلمة أخيرة”، والتى تقوم بتقديمة الاعلامية لميس الحديدى، والذى يُذاع عبر فضائية “on”، وقالت:ـ “كنت مرعوبة أوى قبل ما أدخل العمل ده، وده بالرغم من إنى قبل الدور ما يتعرض عليا كنت لسه خارجة من فترة تصوير طويلة زى (طير بينا يا قلبى) وغيره، وساعتها كنت واخدة قرار إنى مش هصور وهعمل فاصل، وقلت إنى المرة اللى جاية هختار حاجة مُميزة”.
وأضافت ريم:ـ “وفجأة جالى عرض المسلسل، ووقتها لاقيت حاجة كبيرة أوى وبجد منتهى الإبهار، وإزاى إحنا في مصر وبنعمل حاجة قوية زى دى، و60 اسم يخضوا.. بجد معرفتش أرد ولا أتكلم، ومن ساعتها لحد دلوقتى مخدتش أجازة وبدأت الشغل على طول، وبجد الشغل مع خالد يوسف حاجة تانية خالص وبيدى طاقة”.
وأنهت الفنانة ريم:ـ “بجد مسلسل (سره الباتع) عمل مُمنهج واتعمل فيه شغل كبير وعالى أوى، وكمان الانتاج ضخم وكل حاجة فيه بتُقدم بشكل جديد، وأنا عملت فيه شئ جديد ومختلف ومُميز وبذلت مجهود غير عادى، وحقيقى عملت مجهود معملتهوش طول حياتى، وأتمنى هذا الإنبهار ينتقل للجمهور”.
وجديراً بالذكر، بأن مسلسل “سره الباتع” يضم مجموعة كبيرة من نجوم الفن أبرزهم “ريم مصطفى، وأحمد فهمى، وأحمد السعدنى، وأحمد عبدالعزيز، وحسين فهمى، وشمس الكويتية، ومنة فضالى، وهالة صدقى، ونجلاء بدر، وعمرو عبدالجليل، وبيومى فؤاد، ومحمود قابيل، وحنان مطاوع، وأحمد وفيق”، وغيرهم، والعمل من إخراج خالد يوسف.
