تصدر إسم رشا سامى إبنة الراحل سامى العدل محركات البحث على جوجل وكذلك مواقع التواصل الإجتماعى، وذلك بعد أن قامت رشا بالإعلان عن إفتتاح عربه لبيع المأكولات في مدينة دهب.
"مش همد إيدى وأشحت وأقول لله".. القصة الكاملة لـ رشا سامى العدل مع بيع المأكولات في دهب
وقامت رشا بعمل بث مباشر من خلال صفحتها الرسمية على موقع التواصل الإجتماعى “فيس بوك”، وصرحت فيه بأن المنتجين قاموا بتجاهلها في الأعمال الفنية، الأمر الذى جعلها تقوم بالبحث عن أى طريقة لكسب المال بعيداً عن الفن حيث قالت:ـ “أنا من فتره بفكر في الموضوع ده، وجيت دهب من حوالى 7 شهور وقررت إنى أشتغل، وكل الناس عارفه إنى ممثلة بس مجليش شغل كتير، ومش بلوم على حد، وعلى فكرة أنا عضوه بالنقابة من 20 سنة، وكمان النقابة على رأسى من فوق، وكل اللى أنا مستفيدها من النقابه هو التأمين الصحى والكارنيه”.
وتابعت:ـ “وكمان مش بلوم على أصدقائى والمنتجين والمخرجين، أنا رحتلهم وطلبت منهم شغل ومفيش حد إتحرك كل واحد حر، وكفاية أوى أجى على نفسى علشان الناس وأولادى، وأنا في الأول إتمردت على ماما وبيتى وأولادى وصممت إنى معملش أى حاجه مش مريحانى والقرار ده بسطنى على الأخر”.
وأكملت:ـ “ومن شهر يوليو الى فات وأنا بصلح من نفسى، وبقول يمكن العيب يكون فيا وبقول إنى مش ملاك الكل بيغلط، وأنا غلطت كتير في حياتى، وأول أخطائى إنى إتجوزت مرتين غلط ومش هلوم على راجل إتجوزته ومصرفش على بنته، وده علشان أنا إتربيت كويس مش هطلع أجيب سيرة حد”.
وأوضحت:ـ “كتير من الناس بقت تدوس عليا علشان مش بتملق أنا سعيت كتير وفشلت، وعلى فكرة انا مش بعمل كده علشان اركب التريند، اللى بأعمله دلوقتى علشان أكسب رزق حلال، وعاوزه أقول إنى سهل جداً أخد فلوس من أهلى ومحدش هيتأخر، بس مش هستنى لما أشحت وأقول لله، وكل أهلى جزمتهم على رأسى من فوق”.
وأنهت رشا:ـ “مش هعتب على حد خالص سواء من أهلى أو النقابة، يمكن أكون غلط بس مستعده أتحمل نتيجة اللى بعمله، وكمان هعمل اللى ربنا يقدرنى عليه في أى مكان في العالم، وكمان معنديش إماكنيات كبيره بس الظروف الماديه هى اللى خلتنى أعمل المشروع ده، والموضوع صعب بس أنا عاوزه مصدر دخل”.
وفى نهاية البث صرحت رشا العدل قائلة:ـ “أنا ماقولتش إنى هعتزل الفن وده علشان هو في دمى وحلمى الاكبر، بس أنا عملت عربية المأكولات علشان أعيش، وده عادى جداً الكثير من سيدات البيوت بتعمله، وكمان أنا قلت أهلى وأعمامى بالتحديد جزمتهم على رأسى، ولو إحتجت حاجه منهم محدش هيتأخر، وكمان حابه أقول حاجه إنى كل زنقه بيكون وراها إنفراجه من عند الله”.
وجديراً بالذكر، بأن رشا إبنة الراحل سامى العدل، ووالدتها الفنانة نادية شكرى، وشاركت منذ الصغر في مسرحيتين “الأميرة الصغيرة، السيرك”، كما شاركت أيضاً في فيلم “عسل الحب المر”، بجانب الفنان نور الشريف.
السلام عليكم جميع