“مفيش راجل بيتجوز غصب عنه”.. بتلك الكلمات قامت الإعلامية رضوى الشيربينى بالتعليق على مكالمة هاتفية إستقبلتها من إحدى المتابعات لبرنامجها، والتى تكلمت فيها عن الخيانة الزوجية ليلة الدخلة، وأنهت المكالمة بسؤال فظيع “أنا مش عارفة هو إتجوزنى ليه؟”.
رضوى الشربينى
وفى أثناء المكالمة قالت المتصلة:ـ “أنا إتجوزت من أيام الصالونات، وإحنا معرفناش بعض وبرغم من كده أنا حبيته جداً، وليلة الدخلة بالليل سمعته بتكلم في التليفون مع واحدة تانية وكمان بيعيط ويقول صدقينى أنا بحبك أوى وكمان هموت من الزعل عليكى، وأنا مش قادر أجى جنبها ولا قادر أبص في وشها، وكنت بتمنى إنتى اللى تكونى معايا دلوقتى، وأنا لما سمعته بيقول الكلام ده إتصدمت وقعدت أعيط، وعرفت ليه هو قالى نامى وإرتاحى، وعرفت ليه مش قادر يبص في عينى ويكلمنى، وهو كان بيحبها طول الوقت بس أنا مش عارفه ليه هو إتجوزنى؟”.. سؤال فظيع إستقبلته رضوى وهى تقوم بتقديم برنامج “هى وبس”، والمخصص للسيدات والفتيات فقط.
وعندما قامت الزوجة بمواجهة زوجها بما سمعته فعلق قائلاً:ـ “أنا مقدرتش أتجوزها علشان أُمى رفضت وقالتلى لو إتجوزتها هفضل غضبانه عليك ومش هرضى عنك طول العمر، فقلت له وأنا ذنبى إيه؟، فقال أنا بخونك وبخونها، وأنا دلوقتى مش عارفة أعمل إيه؟.. وزعلانه على نفسى وعليه وعليها”
.
وأنهت المتصلة كلامها قائلة:ـ “ياريت كل الناس تسيب أولادهم يختاروا شريك حياتهم زى ما هما عاوزين”، وردت الإعلامية رضوى في ذهول:ـ “وأنا كمان بضم صوتى لصوتك من مكانى، وبقول لكل الأُمهات ياريت تسيبوا ولادكم يختاروا زى ما هما عاوزين سواء بنت أو ولد، وكمان في أهالى كتير بيضبعوا أولادهم بسبب تلك الأفعال، والأولاد في الوقت ده بيستخدموا سلاح الغضب”.
وإنفعلت رضوى في نهاية المكالمة قائلة بصوت عالى:ـ “يعنى إيه عريس ليلة دخلته مش عاوز يقرب من زوجته، وبيكلم واحدة تانية وبيقولها بحبك ومش راضى يبص في وش مراتوا، إيه ذنب البنت دى، ظُلم بين وقع عليها، وهى معملتش جريمة كون إنها وافقت على شاب وأتجوزتوا في إطار محترم وعائلى، وعلى فكرة هو مش صعبان عليا خالص، كان عندوا ألف طريقة يرفض بها الجواز هو مش صغير ولا في حضانة، وكمان مفيش راجل بيتجوز غصب عنه”.
بشعة