قامت الفنانة نهى العمروسى، بالتعليق على تحريض بعض الفنانين والفنانات بعد اعتزالهم الفن، أو رفض التلامس والقبلات حتى وإن كانت في سياق الدراما.
نهى العمروسى مهاجمة يوسف الشريف: «لو شايف إن التلامس والأحضان حرام شوفلك شغلانة تانية»
وأكدت الفنانة، أثناء استضافتها ببرنامج “vip”، والتى تقوم بتقديمة الاعلامية أميرة بدر، والذى يُذاع من خلال قناة “هى”، وقالت:ـ “بشوف الناس اللى زى دى مش محترفة، وأكيد مش هينفع أدخل على أبويا وأنا راجعة من السفر وميخدنيش بالحضن الفنان اللى بيقدم دور أبويا، ومش هينفع خالص أكون قاعدة في البيت بالإشارب.. ده المحجبات مبتعملش كده، ومش هينفع واحدة بتعمل دور إختى ومحضنهاش.. إحنا بنمثل”.
وتابعت نهى:ـ “أنا مشفتش تعليق حنان ترك بعد اعتزالها، ولكن بعيداً عن الشخصية أنا مش موافقة على المبدأ، وفكرة إن اللمس ممنوع طب إنتى بتمثلى ليه؟، وكمان الفنان يوسف الشريف بيرفض التلامس.. هو حر وأنا لازم أحترم كلامه، ولكن بردوا أنا حرة ومن حقى أقول إنه مش محترف وده طبعاً مش فن، ومش هينفع إنك تحطلى شروط، ولو إنت شايف إن ده حرام متلعبشى، ولو إنت راضى تشتغل الشغلانة دى يبقى المفروض تعملها بمصداقية أو تشوفلك شغلانة تانية أحسن”.
وتحدثت الفنانة خلال اللقاء، عن موقفها من الراحلة فاتن حمامة بمسلسل “ضمير أبلة حكمت”، وعلقت قائلة:ـ “أنا لبسى كان شيك شوية عن الدور اللى بعمله، وساعتها كنت بعمل دور مدرسة ألعاب، وهى كانت عاوزانى ألبس حاجة أبسط من كده شوية، وحقيقى هى فنانة محترمة ورايقة وبتاخد بالها من كل حاجة، والمفروض إن في ناس واخدة بالها من الحاجات اللى زى دى مش هى”.
وجديراً بالذكر، بأن برنامج “vip” يُعرض يومياً خلال شهر رمضان على شاشة “هى”، وذلك في تمام الساعة الـ 11 مساءاً، ويتم عرضه في اليوم التالى في تمام الساعة الـ 3 صباحاً والـ 10 صباحاً.
