أثارت الفنانة نجلاء بدر، الكثير من الجدل خلال الساعات القليلة الماضية، بعد أن كشفت عن أنها ترفض مصطلح “السينما النظيفة”، وأشارت إلى أن الفن ليس له تصنيف، وأكدت على أنها ليس لديها خطوط حمراء.
نجلاء بدر: «معنديش خطوط حمرا وفكرة مُصطلح السينما النظيفة»
وصرحت الفنانة، أثناء استضافتها ببرنامج “سبوت لايت”، والتى تقوم بتقديمة الاعلامية شيرين سليمان، والذى يُذاع من خلال فضائية “صدى البلد”، وقالت:ـ “معنديش خطوط حمرا في إختيارى للأدوار، وأنا برفض مصطلح السينما النظيفة”.
وتابعت الفنانة:ـ “الفن لا يمكن أن يكون له تصنيف، وده إن كان سينما أو أغانى أو دراما أو حتى رسم، وده بمعنى إن اللى بيرسم لوحة أو بينحت تمثال.. هل هنكسر التماثيل اللى في إيطاليا أو التماثيل الفرعونية، وبجد الفن مجرد من التسميات، والطبخ كمان فن طالما إن في ناس كتير مش بتعرف تعمله وفيه روح وابداع.. المكياج كمان فن”.
وأكدت نجلاء، على أنها لا يوجد محظورات في إختيارها لأدوارها، وعلقت قائلة:ـ “لو في مشهد مش هعمله يبقى الشخصية كلها مش بتاعتى، وهل أنا عندى محظورات مفكرتش فيها لحد دلوقتى؟ لأ، ودايماً بقول لو أنا عندى طاقة أعمل هذه الشخصية هعملها، ولو مش قادرة يبقى أبعد عنها أفضل، والشخصية هى اللى بتفرض نفسها مش أنا اللى بفرض نفسى على الشخصية.. ده الفن، والفن له أُفق واسعة أكتر من اللى الناس بتشوفه.. هو مش رسالة، ورسالته إنوا يسليك أو يحكيلك قصة تفرحك أو تنكد عليك”.
وتحدثت الفنانة خلال اللقاء، عن أزمتها مع الفستان التى ظهرت به في مهرجان الجونة والذى عرضها للانتقاد، حيث قالت:ـ “الفستان اللى الناس انتقدتنى عليه.. أنا حتى هذه اللحظة مقتنعة بيه وراضية عنه، ومعملتش كده علشان التريند، وكمان نزل في الأسواق وبيتباع في وسط البلد، وبيطلب من برا مصر واسمى بقا مكتوب عليه وسعيدة، وبجد مكنتش مُتخيلة إنوا يعمل الضجة دى”.
