كشف الفنان محمد رمضان، على أنه لا يزال في بدايته الفنية وأن الكثير يتحامل عليه ويضعوه تحت ضغظ كبير، حتى يزيد من أعمال الفنية، وأشار إلى أن ما بينه وبين الجمهور العمل والكلمة الطيبة.
محمد رمضان: «حاسس إنى مضغوط وفى تحامل عليا»
وأكد الفنان، أثناء الندوة التى أُقيمت على هامش فاعليات مهرجان الأُقصر للسينما الإفريقية، وقال:ـ “الزعيم وهو في سنى كان بيعمل مدرسة المشاغبين، ودى نقطة هامة ولازم نبص عليها، وده علشان أنا مخلص جيش من سنة، وحاسس إنى محطوط تحت ضغط كبير، وبيتقالى قوم إشتغل إنت لسه معملتش حاجة، وانا عارف الكلام ده بس عاوز أغسل وشى وأشرب فنجان قهوة وأبدأ أشتغل، وحقيقى حاسس إنى في تحامل عليا”.
وأضاف الفنان:ـ “أنا لسه بتعلم، ومن كام سنة كنت بشوف البطولة إنى لو إتحطيت في مشكلة لازم أكون واقف وصلب، والنهاردة وبعد سنتين عقلى نضج، وبقيت شايف إن البطولة إنى أتلاشى المشاكل أساساً، وكمان أركز في شغلى”.
وأنهى رمضان، حديثه عن الجمهور وقال:ـ “اللى بينى وبين الجمهور هو الشغل والكلمة الطيبة وبس، وده علشان أنا في الأول لما كان شخص بيزعلنى كنت برد بطريقة مش لطيفة وبزعل الناس منى، وأنا والله دلوقتى إتعلمت كتير وبوعد الجمهور إن كل سنة يحسوا منى بتغيير للأفضل إن شاء الله”.
ومن جانبه، فقد قام محمد رمضان بإلقاء كلمة بمناسبة تكريمة في مهرجان الأُقصر للسينما الإفريقية، وذلك خلال حفل الإفتتاح أمس السبت، وأكد عن بالغ سعاته بوحوده في هذا الحفل، وأيضاً تكريمه في مدينة الأُقصر الغالية.
وإختتم حديثه وقال:ـ “بجد محتاجين إننا نحافظ على اللى عمله أجدادنا بالأدوات اللى معانا النهاردة، وهما زمان اشتغلوا فن آخر بالمقاييس زى المعمار، وإحنا كمان دلوقتى بنقدم شئ هيفضل موجود وعايش أكتر من اللى عملوا أجدادنا وهو الفن”.
