أثار عدد كبير من رواد مواقع التواصل الاجتماعى الكثير من الجدل، خلال الساعات القليلة الماضية، وذلك بعد تداول مجموعة من الصور الخاصة بالفنانة ميمى جمال، وهى ترتدى الحجاب في نفس الوقت التى أعلنت فيه إعتزال الفن.
وصرحت الفنانة، أثناء مداخلة هاتفية ببرنامج “حضرة المواطن”، والذى يقوم بتقديمة الاعلامى سيد على، والذى يُذاع من خلال فضائية “الحدث اليوم”، وقالت:ـ “بعد وفاة جوزى حسن مصطفى فضلت قاعدة 6 سنين مش عارفة أشتغل، وده علشان عشرة العمر مش سهلة، وقعدت فترة طويلة في البيت وعملت كذا عمرة، وليا صور كتير وأنا مُحجبة وليا الشرف إنى أبقى مُحجبة”.
وتابعت الفنانة:ـ “وكمان الصور المُنتشرة ليا دلوقتى من أيام ما كنت بعمل عمرة مع جوزى رحمة الله عليه، وأنا لم أعتزل التمثيل وكل الكلام اللى بيتقال ليس له أى أساس من الصحة، وأنا جات عليا فترة كان لما بيسألونى ويقولوا هتشتغلى، فكنت برد عليهم وأقول لأ.. وده السبب اللى إعتبروا على أساسه إنى إعتزلت”.
وتابعت الفنانة:ـ “وأنا بعد ما جوزت بناتى الحمد لله حسيت إنى مش بفهم في حاجة في الحياة كلها غير التمثيل، ومش عارفة أعمل أى حاجة تانية، ولما لقيت نفسى قاعدة لوحدى في البيت قلت ما أنا أرجع تانى وده رزق وشغل، وده هو السبب اللى خلانى أرجع وأشتغل من تانى بالتمثيل”.
وجديراً بالذكر، بأن آخر أعمال الفنانة ميمى جمال المسلسل الشهير “إيجار قديم”، وتدور أحداث المسلسل حول “رمزى” الذى قام بدوره الفنان شريف منير، والذى يسكن في شقة إيجار قديم، وفى نفس الوقت يمتلك عمارة بمصر الجديدة، وتم تأجيرها بالكامل على نظام قانون الإيجار القديم، وفجأة يتمكن صاحب العمارة الذى يسكن فيها “رمزى” من الحصول على ترخيص بهدم العمارة، وبالتالى طرد جميع سُكانها.
