“إيه اللى يخليكى تتجوزى واحد مطلق مرتين قبل كده؟”.. تعرف على رد منة عرفة على سؤال نزار الفارس المحرج

قام الإعلامى نزار الفارس، بسؤال الفنانة الشابة منة عرفة سؤال محرج حيث قال:ـ “إيه اللى يخليكى تتجوزى واحد متجوز مرتين قبلك، وكمان عندوا أولاد؟”، لتقوم الفنانة بالرد عليه قائله:ـ “أنا إنسانة أول مرة أتجوز، وبقى عندى راجل مسؤلة منه، وكمان محمود علشان إتجوز قبل كدا يبقى عنده خبرة كفاية فى التعامل معى، وأكيد هو بيعرف يعامل الستات كويس”.

"إيه اللى يخليكى تتجوزى واحد مطلق مرتين قبل كده؟".. تعرف على رد منة عرفة على سؤال نزار الفارس المحرج

وأكدت الفنانة من خلال اللقاء الذى تم معها ببرنامج “مع الفارس”، والذى يقوم بتقديمه الإعلامى نزار الفارس، والذى يذاع من خلال فضائية “الرشيد” العراقية معللة:ـ “محمود بيعرف يعنى إيه مسؤلية، وكمان الكل بيطلق، وأكيد لو إطلقنا فى المستقبل ده بردوا نصيب، مش علشان هو طلق قبل كدا”.

منة عرفة وزوجها ونزار الفارس

وأكملت منة:ـ “الحلو فيا أنا ومحمود إنى فى حاجات مشتركة بينا بتخلينا نكمل بعض، بمعنى أنا عصبية جداً وهو هادى جداً.. أنا عنيدة وهو أعند، لكن بعد الجواز والإرتباط والمسؤلية إتأكدت بإن العند ملهوش لازمة، ولميت نفسى شوية علشان أعرف أحافظ على العلاقة اللى بينا”.

منة عرفة

وحينما سألها نزار عن أسباب عدم ظهور زوجها إعلامياً قالت:ـ “مش هو اللى رافض بس، كمان أنا عندى رفض تام، وإحنا واخدين قرار إننا منعملشى أى لقاءات تليفزيونية أو صحفية تانى، وده علشان حياتنا أهم بكتير من كل اللى حصل، وللأسف إحنا اللى عملنا كده فى نفسنا بس لازم نتعلم من أخطائنا، مفيش حد فينا هيشتهر أكثر من التانى علشان كل واحد فينا ناجح فى مجاله”.

منة عرفة وزوجها

وتابعت:ـ “فى ناس معينه فرحت بخبر طلاقى، وكمان فى ناس كانت بتراهن على طلاقى، وهو ده السبب الأساسى اللى يخلينا أنا محمود منطلعش تانى، الناس أول لما بيلاقوا حد وقع بيعملوا فرح عليه، والفترة اللى فاتت شوفنا كمية حقد وسواد وتنمر رهيبة”.

منة عرفة وزوجها

وجديراً بالذكر، بأن محمود المهدى تحدث عن تفاصيل الأزمة التى قامت بين زوجته وبين الفنان محمد نجاتى، وأكد بأن الأزمة قامت على تصوير مشهد فى مسلسل “101”، حيث صرح محمود:ـ “واحد من داخل اللوكيشن قالى كلام خاطئ، وإنى فى مشهد فى المسلسل هيقوم فيه نجاتى بحمل منة، الأمر الذى أغضبنى وأوصل الأزمة بيننا إلى حد الطلاق”.

منة عرفة ومحمد نجاتى


اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.