منال عبداللطيف عن طليقة زوجها: أنا إستضفتها ببيتى وربيت بنتها بعد ما ماتت

أكدت الفنانة المعتزلة منال عبداللطيف، عن أنها كانت تستضيف طليقة زوجها الراحلة ببيتها أثناء فترة مرضها الأخير، وذلك من أجل رعايتها هى وابنتها “مريم” في ظل الظروف التى تمر بها وقتها.

وصرحت الفنانة، أثناء استضافتها ببرنامج “كلام الناس”، والتى تقوم بتقديمة الاعلامية المعروفة ياسمين عز، والذى يُذاع من خلال فضائية “mbc مصر”، وقالت:ـ “فى الفترة الأخيرة طليقة زوجى لما كانت مريضة كانت محتاجة لحد يرعاها، وخصوصاً إنها لم تكن مصرية وملهاش حد في مصر، وكمان حبيت إنها وبنتها مريم ميبقوش لوحدهم في الظروف دى، وإن البنت تتربى وسط إخواتها وأهلها وتاخد عليهم”.

وأضافت منال:ـ “وأنا كنت على طول بتواصل معاها من ساعة متجوزت حازم، ومكنش في مشاكل عادى، وده علشان بينا أولاد بيربطونا ببعض، ولازم العلاقة بينا تكون كويسة، ومش مهم أوى حتة المسميات وإنها طليقة جوزى.. الإنسانية أولاً، وده المبدء اللى بتعامل بيه مع كل الناس”.

وأوضحت الفنانة قائلة:ـ “دلوقتى مريم وإخواتها الأتنين (فرح، نور) بقوا في غلاوة واحدة، والتلاتة بقوا بناتى وحبايبى، وأنا والله بعاملها زى بناتى بالظبط، وكمان أنا خيرتها بين إنى أكون مرات أبوها بس أو أكون في مقام والدتها الراحلة، وهى عرفت الفرق بين الأمرين واختارت إنى أكون أُمها بجد، وده علشان هى حست منى بكده”.

وأنهت الفنانة:ـ “والحمد لله حازم من كتر الثقة اللى بينا مبقاش يقولى مريم راحت فين أو بتعمل إيه، وهو إعتمد على إنى مسئولية البنات كلهم وكل ما يخصهم بقت حاجة بتاعتى أنا الحمد لله، وأنا كمان سعيدة جداً بكده”.