صرحت الفنانة الجميلة ليلى أحمد زاهر إبنة الفنان المعروف أحمد زاهر، عن رأيها في نفسها كفنانة وأنها لا تحب أن تشاهد أعمالها، وتحدثت أيضاً عن رأيها في والدها وعلاقتها بشقيقتها ملك.
ليلى أحمد زاهر: مش بحب أتفرج على أعمالى وراضية بكل اللى عملته ولسه طمعانه إنى أحقق المزيد
وأكدت الفنانة، أثناء استضافتها على قناة “الحرة” مع الاعلامية فاتن زين الدين، وقالت:ـ “من الصعب أوى إنى أقول عن نفسى إنى فنانة شاطرة، وكمان مش بحب أتفرج على أعمالى ولكن لحد دلوقتى راضية باللى قدمته واللى وصلت له، وبجد لسه طمعانه إنى أحقق المزيد، ولدى الكثير والأحسن مما قدمته في السينما”.
وتابعت الفنانة عن علاقتها بـ لوكيشن التصوير وقالت:ـ “ودائماً ما أشعر بأن اللوكيشن زى بيتى التانى، وده علشان أنا من صغرى كنت بروح مع والدى وبدأت العمل منذ الصغر، وده ميمنعش إنى خايفة علشان مفيش حياة مُكتملة وسعيدة، وفى الكثير من الأحيان أجواء اللوكيشن بتكون مرحة وحلوة وأحياناً بتكون هناك حالة من الطاقة السلبية، ولكنى على المستوى العام أشعر بالسعادة دائماً”.
وتحدثت ليلى خلال اللقاء عن كواليس مسلسلها الشهير “فى بيتنا روبوت”، والذى كان أول بطولة لها، وعلقت:ـ “كنت خايفة أوى وده علشان أنا لسه في بداية حياتى الفنية وسنى صغير، ولكنى عشت أجمل أيامى في الجزء الأول والثانى، وده علشان الكواليس كان يغلب عليها طابع الضحك والفكاهه والهزار”.
وكشفت الفنانة عن رأيها في والدها الفنان أحمد زاهر، وقالت:ـ “هو أفضل فنان في العالم، ودائماً ما أراه غول تمثيل لأنه بيعرف يقدم أى كاركتر مثل شخصيتة (فرج) في مسلسل (كلام على ورق)، وأتمنى إنوا يقدم عمل كوميدى لأنه دمه خفيف أوى والعمل الكوميدى مش استظراف، وعلى فكرة هو على طول بيشجعنى وفخور بيا، وأنا سعيدة إنوا في ضهرى”.
وفى نهاية اللقاء تحدثت ليلى عن علاقتها بشقيقتها ملك، وقالت:ـ “أنا وهى كنا عاملين زى ناقر ونقير وكنا في شجار مستمر، ولكن مع الوقت أصبحنا قريبين من بعض، ودلوقتى بقت أقرب شخص ليا وأحلى حاجة في حياتى كلها، ومش بعرف أخد قرار أو أخطى خطوة من غير لما أخد رأيها”.
