قامت الاعلامية والفنانة جورى بكر، بالرد على الانتقادات التى وجهت لها، بعد سفرها مع خطيبها قبل أن يتزوجا، وأشارت إلى أن حياتها الشخصية لا تخص أحداً غيرها.
جورى بكر رداً على منتقدى سفرها مع خطيبها دون زواج: «حياتى الشخصية حاجة تخصنى»
وأكدت الفنانة، من خلال تصريحات لها مع القاهرة 24 وقالت:ـ “حياتى الشخصية ملكى أنا وبس، ولما قررت أحذف صورى مع جوزى عشان أبعد عن التعليقات السخيفة، ولما سافرنا كانت مرة واحدة وربنا أعلم، ويمكن اللى بيعملوا كده يكونوا متجوزين ومش عاوزين يعرفوا حد، والمشكلة دلوقتى إن الناس بيحكموا على الأشخاص من خلال الصور ومن غير ما يعرفوا الظروف، وطالما الموضوع كده إحكموا على شغلى من حياتى”.
وتابعت جورى:ـ “وأنا مكنتش حابة إنى أنشر تفاصيل جوازى، وده علشان مكنتش حابة إن الناس تقعد تقول إنى كان لازم أقولهم، وفى النهاية دى حاجة تخصنى، ومش لازم أقول أنا رايحة فين وجاية من أين، ولكن للأسف الشديد هى دى ضريبة الشهرة والنجومية”.
ومن جانبها، فقد سبق وكشفت الفنانة جورى عن سبب اخفائها موعد زواجها، وذلك من خلال تصريحاتها مع القاهرة 24 وقالت:ـ “الجواز كان فجأة، وده علشان كتب الكتاب كان المفروض بعد رمضان، وبجد أنا بخاف شوية من الحسد، وكمان حياتى الشخصية ملكى أنا ومش لازم أقول كل حاجة عنى على السوشيال ميديا، وفى أغلب الأوقات بتحصل كوارث بسبب الحسد، وكمان أنا بحب أراعى ظروف الناس، وده لأنى مش عارفة مين اللى بيحبنى بجد”.
وجديراً بالذكر، بأن الفنانة جورى بكر تشارك في السباق الرمضانى للعام الحالى بمسلسل “جعفر العمدة”، ويشارك الفنانة بطولة العمل كلاً من “محمد رمضان، وفريدة سيف النصر، ومى كساب، وهالة صدقى، وإيمان العاصى، ومنة فضالى”، وغيرهم الكثير من نجوم الفن.
