“مين مى العيدان؟ أنا معرفهاش”.. أول تعليق من إلهام شاهين على الانتقادات التى وجهتها لها مى العيدان

صرحت الفنانة المعروفة إلهام شاهين، بأنها لم تغير مبادئها ولم تقدم أى تنازلات للعمل داخل الوسط الفنى، وأكدت على أنها لم تغير رأيها حتى الأن في الرقص، وخصوصاً أنها قدمت الكثير من المسرحيات التى تعتمد على الرقص حيث قالت:ـ “وبعدين مفيش حاجه إسمها أنا عملت دور إغراء غصب عنى، كل اللى بيعجبنى بعمله”.

وقامت الفنانة بالرد على الانتقادات التى وجهتها لها الاعلامية مى العيدان، حيث طلبت منها العيدان:ـ “إحترمى سنك وإحتشمى”، وعلقت إلهام عليها قائله:ـ “أنا مش عارفه مين مى العيدان دى؟.. بس هى مالها بيا.. هى هتحاسبنى ألبس مقفول أو مفتوح، أكيد ده موضوع ميخصكيش”.

وتابعت شاهين من خلال اللقاء الذى جمعها بالاعلامية “بسمة وهبة”، والتى تقوم بتقديم برنامج “العرافة”، والذى يذاع من خلال فضائية “المحور” حيث قالت:ـ “قومى نفسك الأول وملكيش دعوة بغيرك، وياريت كل شخص يبقا عنده الرقيب الذاتى، وملوش دعوى بالشخص التانى”.

وأكملت إلهام:ـ “أنا على طول بيجيلى رد فعل من الغير إيجابى على الآراء التنويرية وعلى الشجاعة وكمان الأعمال الجميلة اللى بقدمها للمجتمع، والجوائز اللى بحصل عليها، بس الاعلام بيجمع كل من هم ضدى فيكون الواضح إن الكل مش معايا، وده مش صحيح.. الله يحرق السوشيال ميديا بجاز”.

أما عن صورها الشخصية التى توجد على مواقع التواصل الاجتماعى، فأكدت قائلة:ـ “أنا مش عارفه عنها حاجة بتنزل من غير ما أعرف، وكمان صفحتى الرسمية مش موجود عليها صورة واحدة، كان في شخص غلطة في حياتى نشر صورى وعلى طول خرجتوا من حياتى كلها، وده علشان أنا لاقيت بيتى على الهواء.. كنت هروح فيها، وأكيد اللى عمل كده مش هقول الله يسامحه.. الله لا يسامحه”.

وفى نفس السياق، فقد رفضت الفنانة الرد على الانتقادات التى وجهها لها الفنان أحمد فلوكس، حيث قالت:ـ “واخد أكتر من حجمه.. مش ممكن أغلط في زميل مهنه، ده عمل زى اللى عملوا فتنه طائفية.. أنا مش ممكن أرد على أى زميل يغلط، وده علشان أنا بدافع عن الفن وأهله”.