أثارت الفنانة الجميلة حورية فرغلى الكثير من الجدل خلال الساعات القليلة الماضية، وذلك بعد أن أبدت تعاطفها مع المُتهم محمد عادل في الواقعة المعروفة إعلامياً بـ قاتـ،ـل “نيرة أشرف” طالبة جامعة المنصورة.
وكشفت الفنانة، عن رأيها في الكثير من القضايا التى تحدث مؤخراً والتى إنتشرت كثيراً في المجتمع المصرى، وبالأخص قضية “نيرة” إلى جانب رأيها في إتهام الكثير للفن بأنه السبب في إنتشار الكثير من الوقائع.
وأكدت الفنانة في تصريحات صحفية، وقالت:ـ “تعاطفت مع محمد عادل في واقعة جامعة المنصورة، والولد صعبان عليا أوى علشان هو سنه صغير ومعندوش خبرة، وكمان شكله بيصدق كل حاجه وحبها أوى وشكله بيغير عليها أوى، والمشكلة إنى في رجالة لما بتغير بتتصرف بصورة غير طبيعية، ولو البنت معملتش حاجة بس ما يحسش إنوا حد ضحك عليه”.
وتابعت فرغلى:ـ “هما كانوا اصحاب وبيساعدوا بعض في الدراسة، وكمان حبها قبل ما تشتغل موديل وحبها لشخصها، وبعدها هى بدأت تغير معاملتها معاه، وأنا سمعت ماسدج من اللى بيتقال واللى إنتشر وهى بتقول أنا لقيت واحد أحسن منك، والأكيد إنى في رجالة لما بتسمع الكلام ده بتتجنن وبيوصل الموضوع بيهم لأكتر من كده”.
وأضافت حورية:ـ “ومحمد عادل في المحكمة قال الكلام ده، وكمان مكنش بيكدب ولا حاول يجمل اللى عمله، وفى رجالة كتير بتكون مريضة بالغيرة بس ما توصلش بيك للى حصل”.
وأما عن رأى الفنانة في إتهام الكثير للفن في إنتشار الجـ،ـرائم، فقالت:ـ “الفن عمره ما كان السبب في كده، واللى بيقول الكلام ده يورينا وينشر الأفلام دى، وانا شخصياً رفضوا يخلونى أعمل الجزء الثالث من مسلسل ساحرة الجنوب، وده علشان المشاهد الموجوده فيه ولكن الفن بيمثل الواقع اللى المجتمع المصرى بيعيشه”.