كشفت الراقصة هندية، عن كواليس ابتعادها عن العمل بالفن خلال السنوات الماضية، وأشارت إلى أنها لا يمكن أن توافق على أى عمل لا يتناسب معها.
وأكدت الفنانة، أثناء تصريحاتها في فيديو لايف مع القاهرة 24 وقالت:ـ “بجد نفسى أشتغل ومش بقول لأ، ولكن مفيش حاجة مناسبة بتتعرض عليا، وحقيقى إزاى أروح أعمل دور واحدة صاحبة كبارية وماسكة سيجارة وكاس.. مش هقدر أعمل ده، ومش هقدر أجسد دور واحدة بتشيش والرجالة بتعاكسها”.
وتابعت هندية:ـ “وفى مرة قابلت السبكى، وقالى إنتى رجعتى قلتله رجعت من 7 سنين، وأخد رقم تليفونى الخاص بس مكلمنيش، ولا في حاجة مناسبة إتعرضت عليا وكل اللى جالى مش هينفع أعمله دلوقتى”.
وجديراً بالذكر، بأن الراقصة هندية أثارت ضجة كبيرة خلال الأيام القليلة الماضية، بعد أن إنتشر فيديو لها وهى تقوم بإلقاء كلبها المُصاب في الشارع، الأمر الذى عرضها للكثير من الانتقادات من قِبل متابعيها على مواقع التواصل الاجتماعى.
وقامت الراقصة، بالدفاع عن نفسها من خلال فيديو لايف مع القاهرة 24، وأكدت على أنها لم تُلق به في الشارع، وإنما تركته من أجل الصلاة وبعدها تعود حتى تأخذه للمستشفى لكى يتم مُعالجته.
وقامت الفنانة، بتوجيه اعتذارها على انفعالها في الفيديو التى ظهرت فيه من خلال صفحتها، وعلقت قائلة:ـ “بجد بعتذر جداً لأى شخص، ولكن ياريت تحسنوا الظن بيا، وأنا أُقسم بالله إن نيتى كانت خير وبقول لأى شخص شتمنى مرحباً بحسنة لم أفعلها”.
وأنهت:ـ “أنا مش بتباهى بالصلاة، ولكن لو أُمى وأبويا طلعوا من القبر وقالوا ليا تعالى في اللحظة دى، وأنا مصلتش مكنتش هروح، وده علشان أنا مش بحب أجمع وقت على آخر ولو حصل ببقى عصبية أوى، وده اللى خلانى أنزل من العربية وأسيب الكلب مع السايس، وطلعت صليت ورجعت أخده علشان أعالجه”.
تليجرام فيسبوك الاتصال بنا من نحن الخصوصية فريق العمل حقوق الملكية EN