الراقصة هندية عن عدم انجابها: أحد أزواجى أجهضنى وقالى مش عاوز أولاد من فنانة

أثارة الراقصة هندية الكثير من الجدل، وذلك بسبب تصريحاتها خلال الساعات القليلة الماضية، وحديثها عن زواجها من رجل الأعمال المعروف أيمن السويدى، وكشفها عن كواليس حياتها  الشخصية ورفض زوجها إنجاب أولاد من راقصة.

وعلقت الفنانة، أثناء استضافتها ببرنامج “كلام الناس”، والتى تقوم بتقديمة الاعلامية الشهيرة ياسمين عز، والذى يُذاع من خلال فضائية “mbc مصر”، وقالت:ـ “أنا الحمد لله مستورة وعايشة ومش محتاجة أجرى ورا شغل من أجل العيش، ولما أخويا مات حسيت إنها إشارة من ربنا علشان أبطل رقص”.

وتابعت هندية:ـ “وأنا لما اتجوزت من أيمن هو كان زكى جدا، وعمره ما منعنى إنى أشتغل، ولكنه كان بيقولى عاوز تقعدى معايا، وفى مرة جاب كوباية ماية وحطها على شعرى علشان مخرجش للشغل”.

وأضافت:ـ “وفى أحد المرات إتصل عليا وقالى تعالى بسرعة عاوزك علشان بابا في المستشفى، وبسرعة نزلت والروب عليا وتحتيه بدلة الرقص، وقعدنا نلف في الشارع وقالى أنا مليش مزاج إنك تشتغلى النهاردة، وكانت هى دى القفشة اللى حصلت بينى وبينوا وقلتله أنا معايا رجالة محترمة اللى شغالين معايا، ومش ممكن أطلع صغيرة معاهم”.

وحينما سؤلت الفنانة عن عدم انجابها للأطفال قالت:ـ “أنا حملت من أيمن، ولكن هو كان زعلان أوى وفضل يزعق وقال مش عاوز أولاد أنا هموت وأنا صغير، وهو على طول كان عنده هاجس إنه هيموت صغير، وأجهضت نفسى وبعد كده محصلش نصيب إنى أجيب أولاد”.

وأنهت الراقصة هندية:ـ “وفى أحد المرات زعق معايا وقالى أنا مش عاوز أولاد من فنانة، وأنا ساعتها كنت بقول لنفسى إيه يعنى بكرة أجيب أولاد، وللأسف بعدها معرفتش أخلف تقريباً كده والله اعلم الدكتور بوظلى حاجة، وفى النهاية أنا مسامحة أيمن علشان هو دلوقتى جوا القبر، وفى أمس الحاجة دلوقتى للدعاء، وكل الناس في الموقف ده بتبقى محتاجة للدعاء بالرحمة والمغفرة، وربنا يرزقنى باللى يسامحنى”.