أثارت الفنانة الجميلة حنان شوقى، الكثير من الجدل خلال الساعات القليلة الماضية، وذلك بعد أن كشفت عن سبب ابتعادها عن الوسط الفنى منذ فترة، وأشارت على أنها مرت بمرحلة إصلاح على المستوى النفسى والأخلاقى.
وأكدت الفنانة أثناء لقاءها بالاعلامية المعروفة ياسمين عز، والتى تقوم بتقديم برنامج “كلام الناس” أمس الأحد، والذى يُذاع من خلال فضائية “mbc مصر”، وقالت:ـ “أنا رميت الدنيا ودوست عليها وتركت كل اللى فيها، وكمان قررت أشترى نفسى وقلبى وروحى، وروحت للحقيقة اللى أنا مخلوقة علشانها، ولقيت نفسى غريبة في الدنيا وحاسة إن روحى مش معايا، ودعيت ربنا كتير إنى أنا لو غلط أبعد عن الطريق اللى أنا ماشية فيه ويرشدنى للصواب ويدلنى على الطريق الصحيح”.
وتابعت الفنانة:ـ “وأنا في رمضان ختمت القرآن، وفى أحد الليالى وأنا قاعدى على السرير شُفت ليلة القدر وشوفت سيدنا محمد علية الصلاة والسلام أثناء اليقظة مش منام، وبعدها إتغيرت 360 درجة وربنا هدانى وإتبينت زى ما ربنا عاوز في كل شئ.. أخلاقياً ونفسياً”.
وجديراً بالذكر، بأن محمد فرج رئيس مهرجان الإذاعة والتليفزيون قام بتكريم مجموعة كبيرة من نجوم الفن من بينهم الفنانة الجميلة حنان شوقى، حيث قامت الفنانة بتوجية رسالة للرئيس عبدالفتاح السيسى أثناء تكريمها، وقالت:ـ “أنا لما بشوف الإذاعة دلوقتى بتقهر على طفولتى ومراحل عمرى كلها، وأنا من مكانى وبصوت كل الفنانين في مصر والوطن العربى، بنُطالب الرئيس برجوع التليفزيون المصرى كما كان سابقاً”.
وأنهت حنان شوقى حديثها قائلة:ـ “وبجد أنا سعيدة أوى بالتكريم ده ومبسوطة جداً، وكمان إفتكرت نفسى وأنا بتفرج على أبلة فضيلة، وخصوصاً بأن الإذاعة علمتنى وربتنى ثقافياً وفنياً، وكمان علمتنى الإحترام.. حقيقى أنا شربت الفن من الإذاعة”.
