أبدت الفنانة الجميلة حنان شوقى، عن بالغ حزنها بسبب تداول أحد مشاهدها في فيلم “الإرهابى”، والى كانت بجانب الفنان عادل إمام، وأشارت بأن مواقع التواصل الاجتماعى استخدمت هذا المشهد من أجل التجارة وليس الفن.
وأكد الفنانة، أثناء استضافتها ببرنامج “كلام الناس”، والتى تقوم بتقديمة الاعلامية ياسمين عز، والذى يُذاع من خلال فضائية “mbc مصر”، وقالت:ـ “أنا متأخرة أوى في السوشيال ميديا، ولما دخلت العالم ده لقيت أغلب الناس بتقول رجلين حنان بعد مشهد الشورت الأصفر والكوتشينة، وبجد حسيت إن الناس بتاجر ومفيش فن نهائى، وعلشان الناس المريضة نفسياً يقولوا الكلام ده، وإن شهوتهم هى اللى بتخليهم يشوفوا المشهد كده، ولو واحد فيهم شاف المشهد من الأول مكنش هيفكر في رجلين حنان شوقى”.
وأوضحت الفنانة، على أنها سقطت فور تصوير هذا المشهد الأمر الذى جعل الفنان عادل إمام يعتقد بأنها أُصيبت بالحسد، وعلقت قائلة:ـ “بعد المشهد ده كنت بتصور فوتوغرافيا، ومرة واحدة لقيت رجلى إتلوت والبلاتوه كان عالى أوى، وكأن في حد بيشدنى من شعرى وصرخت بأعلى صوتى وجالى ساعتها تمزق في الأربطة، والزعيم فالى إنتى خدتى عين محترمة”.
وكشفت حنان خلال اللقاء، عن حقيقة تبنيها لطفل وقالت:ـ “فى جمعيات خيرية كانت بتكلمنى وتقولى ممكن حضرتك تيجى في الأعياد وتعيدى على الأطفال اللى معانا، وأنا كنت بوافق على طول وروحت جمعية خيرية في سوهاج، وأول ما دخلت شوفت ولد إتعلقت بيه أوى، وحسيت إنوا شبهى وابنى وعلى طول دخل في حضنى”.
وتابعت الفنانة:ـ “وبعدها سألت على الطفل وظروفه وصعب عليا أوى، وخصوصاً إنى حسيت بعزة نفسه وكان باين عليه إنوا إبن ناس، وكنت هاخده ولكن للأسف والده ووالدته عايشين، والموضوع ده كان تحت ستار الحب وأنا مش بسمية حب ده شهوة”.
