قام مؤدى المهرجانات المعروف حمو بيكا، بنفى ما تردد من شائعات حول سقوطه من على خشبة المسرح خلال الحفل الذى أُقيم ليلة أمس بدبى وليس المملكة العربية السعودية كما شِيع.
حيث قام حمو بعمل بث مباشر من خلال صفحته الرسمية على موقع التواصل الإجتماعى “فيس بوك” وعلق قائلاً:ـ “مسرح إيه اللى أنا وقعت من عليه.. المزيكا اللى كانت شغالة في الفيديو مزيكا أجنبى؟.. وعلى فكرة أنا دلوقتى في السعودية مش في دبى، وعندى حفلات غنائية كتير هناك، ومش عاف إنتوا جبتوا الكلام ده منين؟”.
وأكمل بيكا:ـ “مش أنا اللى كُنت موجود في الحفلة دى من الأساس، ولا أنا وقعت من على المسرح ولا أى حاجه خالص من الكلام ده، وكمان الكلام ده كله فشر، بيقولوا إنى وقعت في دبى وانا دلوقتى في السعودية تيجى إزاى، وكما انا بحب أطمن كل الناس اللى بتحبنى وقلقت عليا أنا بخير ومفيش حاجة حصلت من الكلام ده وأنا بحبكم”.
وجديراً بالذكر، بأن عدد كبير من رواد مواقع التواصل الإجتماعى تداولوا ليلة أمس فيديو تعرض فيه حمو بيكا للسقوط أثناء تنطيطه على المسرح، بعد أن كُسرت خشبة المسرح، حيث أكد الجميع على أنه حمو بيكا.
وبعد البحث عن أصل الفيديو المتداول، فقد ظهر أنه مرفوع على “اليوتيوب” عام 2018، وقد نُسب وقتها إلى المطرب اللبنانى “جو رعد”، ولكن في الحقيقة أن من وقع هو منسق إسطوانات أجنبى.
وبعد البحث وُجد أن صفحة حمو بيكا الرسمية موجوده في السعودية في حفل غنائى، وأنه لم يكن في دبى كما قِيل، ومن جانبه فقد قام مؤدى المهرجانات حمو بطرح أُغنيته الجديدة “ملعونة الفلوس”، من خلال قناته الرسمية على “اليوتيوب” مع أمين والسويسى، والأُغنية من توزيع مصطفى السيسى.