“الساحل الشمالى كله شغال من غير ترخيص هو أنا علشان غلبان”.. حمو بيكا يثير الجدل بسبب تصريحاته
أثار مؤدى المهرجانات المعروف بـ حمو بيكا الكثير من الجدل خلال الساعات القليلة الماضية، وذلك بعد التصريحات التى أدلى بها حول إحياء مجموعة من مُطربى المهرجانات والذين تم وقفهم من قِبل نقابة المهن الموسيقية للعديد من الحفلات بالساحل الشمالى دون الحصول على أى تصريح.
وصرح مؤدى المهرجانات أثناء مداخلة هاتفية ببرنامج “الترابيزة”، والذى يذاع من خلال فضائية “الشمس”، وقال:ـ “الكل جاى عليا علشان أنا غلبان، وكل الناس اللى موقوفة مثلى شغالين الله ينور فى الساحل من غير تراخيص، ومنهم ريشا كوستا وأبوليلة ومسلم وعلى سمارة”.
وتابع بيكا:ـ “وكمان أعضاء مجلس النقابة هما اللى مشغلنهم فى الساحل بدون ترخيص، وأنا جالى تهديدات كتير بالحبس لو متنازلتش عن القضية اللى رفعتها على النقابة، وأنا مش ممكن أتنازل عن قضيتى وعن حقى نهائى مهما حدث”.
وجديراً بالذكر، بأن حمو بيكا قام بالرد منذ أيام على الانتقادات التى وجههت له عقب تصريحاته على استقالة الفنان هانى شاكر، وأكد خلال بث مباشر على “فيس بوك” وقال:ـ “الفنان هانى شاكر مقامه كبير أوى عندى، وله كل احترام وتقدير وهو على راسى من فوق، وكمان مفيش بينى وبينوا أى خلاف، وعلى فكرة أنا زعلان جداً إنوا قدم استقالته.. مع انى مش شغال فى مصر وموقوف”.
وأضاف:ـ “وأنا لما نزلت صورة مكتوب عليها انا راجع يا شوية جواجع.. دى كانت عنوان أُغنية جديدة مع نور التوت، ولكن الناس فهمتها غلط وعملوا عليها فيلم، وأنا والله العظيم مش متحمل حاجه كل واحد فيه اللى مكفيه، ومش معايا الكارنيه بس راضى بحكم ربنا، وألف شكر ليك يارب إنى ماشى على رجلى، وعلاقتى بالفنان هانى كويسه ومفيش أى خلافات بينى وبينوا”.
وأنهى بيكا:ـ “بقول للفنان هانى شاكر أنا أخوك الصغير وبحبك، ومفيش بينى وبينك أى مشاكل وإعتبرنى زى ابنك، وأنا مش عاوز حاجه ومش عاوز النقابة.. بس حبيت أوضح حقيقة التصريحات اللى قلتها للجمهور والمُتابعين، وإنى مقصتدش أى إساءة لشخص بعينه”.
