غادة عادل عن رفعها شعار السينما النظيفة في بداية عملها بالفن: «كنت صغيرة ومش عارفة حاجة وخسرت كتير»
صرحت الفنانة الجميلة غادة عادل، عن رأيها في مصطلح السينما النظيفة وخصوصاً بأنها كانت من ضمن الفنانات اللاتى رفعنا شعار السينما النظيفة في بداية عملها بالفن على حسب ما قالته.
غادة عادل عن رفعها شعار السينما النظيفة في بداية عملها بالفن: «كنت صغيرة ومش عارفة حاجة وخسرت كتير»
وأكدت الفنانة، أثناء استضافتها ببرنامح “أنا والقناع”، والتى تقوم بتقديمة الاعلامية منى عبدالوهاب، والذى يُذاع من خلال قناة “الحياة”، وقالت:ـ “مفيش حاجة اسمها سينما نظيفة وسينما مش نظيفة، وبجد أنا كنت فعلاً هبلة وعبيطة، وده علشان أنا ملقيتش حاجة أتكسف منها”.
وأضافت غادة عادل:ـ “أنا بقدم دور مُحجبة أو راقصة أو مُدمنة، وأياً كان الدور فأنا بمثل دور في فيلم من واقع مُعين، ودلوقتى بقيت شايفة إن كلمة سينما نظيفة كلمة ساذجة، وحقيقى خسرت بسبب المصطلح ده شغل كتير”.
وواصلت الفنانة:ـ “وأنا دلوقتى بشوف لو حابة دور معين أو شخصية هعملها على طول، ومش هبص هو فيه إيه وقلت إن الفنان حر في اختيار الأدوار اللى تناسبه، وده علشان مش هينفع أتشرط على المؤلف والمخرج، والأحسن إنى أرفض الدور لو شايفاه مش مناسب ليا”، وأما عن شعار السينما النظيفة قالت:ـ “كنا ساعتها لسه صغيرين، وبيتقال لينا حاجات وداخلين في وسط جديد ومبسوطين وبنسمع الكلام وبنفذ”.
وتحدثت غادة خلال اللقاء، عن مشهدها الجرئ في فيلم “أولاد رزق 2” وأن ابنها لام عليها، وعلقت قائلة:ـ “ابنى عتب عليا بسبب مشهدى في فيلم أولاد رزق 2 وده لأنى معرفتهوش، ولما راح السينما وإتفرج على الفيلم قالى مكنتش أعرف، ولكنى ساعتها قعدت معاه وفهمتوا إنى مفيش حاجة اسمها دور جرئ، وإن الكلمة دى بتزعلنى، والفنانة منا لازم تجسد الشخصية على بعضها”.
