شهد اللقاء الأول بين الفنانة غادة عادل وطليقها المخرج مجدى الهوارى بعد 5 سنوات من الإنفصال، مواجهة ساخنة بينهما من خلال برنامج “بصراحة”، والذى يذاع من خلال فضائية “mbc”، ليقوم الإثنين بالتحدث عن أسباب الخلافات التى قامت بينهما أمام الكل، وقد إشتد الحوار بينهما لدرجة ذكر الأعمال الفنية.
غادة عادل ومجدى الهوارى
حيث علقت الفنانة على أن زوجها كان يتدخل في إختيار أعمالها الفنية قائلة:ـ “من شدة خوفك عليا كنت بتعمل عليا حماية زيادة عن اللزوم، وأنا كنت ممكن أعمل أدوار كتير جداً، وكمان شوف كمية الأفلام اللى كنت ممكن أعملها ومعملتهاش”.
ليؤكد مجدى، بأنه أراد أن لا يكون لها تاريخ سيئ بالرد عليها قائلاً:ـ “أنتى دلوقتى معندكيش هيستورى ولا باك جراوند، ولا حد يقدر يقول عليكى حاجة مش كويسة”، لتقوم هى بالرد:ـ “طب إنت في أفلام خلتنى أعملها كل ما أشوفها ببقى عاوزة أبكى بسببها، وكمان ببقا عاوزة أترك الفن، وفى النهاية إنتا عاوزنى البريئة الكيوت الطيبة، على فكرة انا ممثلة المفروض إنى أعمل كل الأدوار، لكن إنتا كنت خايف عليا وتقولى ده مش لايق عليكى.. يعنى إيه يليق وميلقش؟”.
وحاولت غادة في منتصف اللقاء، أن تهدئ من حدة الكلام مع طليقها قائلة:ـ “على فكرة أنا مش زعلانة منك، بس إنتا كنت بتكتم جوايا الجرأة، وكمان حاطط قوانين وإعتبارات واهالينا وعيالنا والناس، طب إيه المشكلة في إنى أعمل دور مجنونة، وكمان في قصص الحب مكنتش بتوافق على معظمها، وإنت من بعد شورت وفانلة وكاب منعتنى من أدوار كتير، وكتمت جوايا إحساس إنى ممكن أفك، كان لازم شخصيتى تكون أقوى من كده شوية، ياريت تشوف كمية الأفلام اللى معملتهاش بسبب غيرتك”.
لبرر الهوارى موقفه بأنه كان يحاول أن يحميها من أن يكون لها تاريخ سيئ وعلق:ـ “السى في بتاعك مش موجود فيه حاجة تندمى عليها، لأنى شريط السينما هو اللى هيبقا بعد ما نموت، فلازم سيرتك تبقى عطرة باللى عملتيه، وكمان إنتى بقيتى غادة عادل علشان الطريق اللى مشيتى فيه من وجهة نظرى”.
وتقوم غادة بالرد:ـ “إنت بتركز في إختياراتى على مزاجك، مجدى إنتا عمرك ما هتقر بأخطائك.. كان في كبت شديد”، ليقوم مجدى بالرد قائلاً:ـ “كنت بعتبرك زى بنتى، وإنتى إنسانة متربية وبنت ناس، جيتى القاهرة وأنا إتجوزتك”،لتُنهى غادة الحوار:ـ “كنت بتعتبرنى زى بنتك وأنا مراتك ده صح.. وعلى فكرة أنا متربية أحسن تربية”.
