“أنا ندمانه أوى إنى متجهتش لـ طريق بابا”.. حقيقة إعتزال غادة عبدالرازق الفن وإرتدائها الحجاب

أكدت الفنانة غادة عبدالرازق، على أنها ندمت كثيراً على دخولها الوسط الفنى، وعلقت قائلة:ـ “دى بتبقى تراكمات من أشياء كتير أوى، وفى النهاية بتوصلك لمرحلة تخليك تقول بإن الطريق ده هو اللى قضى عليا، وكمان خد منى حياتى أوى وجه عليا أوى، وكمان بيجى الوقت عليكى اللى تقولى ياريتنى”.

"أنا ندمانه أوى إنى متجهتش لـ طريق بابا".. حقيقة إعتزال غادة عبدالرازق الفن وإرتدائها الحجاب

وصرحت الفنانة من خلال برنامج “the insider بالعربى”، والذى يذاع على قناة “دبى” حيث قالت:ـ “أنا كان نفسى أوى أتجه إلى السلك القضائى مثل والدى، ويارتنى كنت كملت زى والدى وإتخرجت من كلية الحقوق وأدخل مجلس الدولة، وعلى فكرة بابا قبل ما يموت بشهر كان مرشح إنوا يبقى وزير الإستثمار، وأنا مش عارفه أنا ممشتشى فى طريق بابا ليه، وإيه اللى خلانى أتجه لطريق تانى خالص”.

غادة عبدالرازق

وأكملت غادة معلنة:ـ “أنا فكرت كتير أوى فى الإعتزال ولبس الحجاب، وأنا فاكرة من 13 سنة قولت إنى هعتزل وألبس الحجاب، وبعدين قولت ما هو الإعتزال مش لازم أتحجب بس لازم أبقى مقتنعه بالشئ اللى بعمله، وده علشان الحجاب ملوش دعوة بالفن ولا الإعتزال، والمهم إنى الشخص منا يكون عندوا قناعة شخصية بالشئ اللى بيعمله، وكمان الموضوع ده خارج عن نطاق المناقشة، وكمان ما ينفعشى حد يتدخل فيه”.

غادة عبدالرازق

وأوضحت عبدالرازق، إلى أنها تراجعت عن قرار الإعتزال وإرتداء الحجاب قائلة:ـ “ورجعت لنفسى تانى وقتها وحسيت إنى مش صح، وقلت لنفسى بلاش تسرع، وده علشان انا متسرعة فى كل شئ، وكتير بتسرع فى الحاجات اللى زى دى”.

غادة عبدالرازق

وفى النهاية تحدث الفنانة من خلال اللقاء، عن الأشياء التى تضايقها كثيراً قائلة:ـ “من الصعب جداً إنك تحسى إنك كل شوية مهدده، وده بسبب النجاح اللى أنتى محققاه، فده بيبقى إحساس صعب على أى شخص، وأنا بحمد ربنا علشان فى ناس كتير بتحبى من الوسط الفنى ومن خارجه”.

غادة عبدالرازق


اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.