أثارت الفنانة الجميلة فريال يوسف، الكثير من الجدل خلال الساعات القليلة الماضية، بعد أن كشفت عن كواليس غيابها عن الساحة الفنية خلال الفترة الأخيرة، وأكدت على أنها تعرضت لحادث الأمر الذى جعلها تغيب عن الساحة الفنية.
وأكدت الفنانة، أثناء استضافتها ببرنامج “الستات”، والتى تقوم بتقديمة الإعلامية “مفيدة شيحة وسهير جودة”، والذى يُذاع من خلال قناة “النهار” اليوم الأربعاء، وقالت:ـ “وقعت من على حصان، وحصلتلى مشاكل كتير وعانيت من عدم القدرة على الحركة لفترة، وبعدها سافرت إلى ألمانيا لتلقى العلاج”.
وحينما سؤلت عن حياتها الشخصية علقت قائلة:ـ “أنا إدلعت كتير في حياتى، ولكن مش ممكن أحكى التفاصيل، وده علشان الرجالة دلوقتى متجوزين ومش هينفع أتكلم”.
وأضافت:ـ “عشت حاجات كتير حلوة، اتقدرت وحبيت واتحبيت، وكمان اللى حبونى بجد متجوزتش حد منهم بسبب ظروف الحياة، وأنا بطبيعتى بحب الحياة أوى والانطلاق والمرح ومش بحب النكد خالص ولا الحزن ولا أى حاجة من الحاجات دى”.
وتابعت الفنانة حديثها وقالت:ـ “بجد عاوزة أقابل الشخص اللى يستاهل قلبى ويكون توأم روحى، وده علشان إحنا معندناش في عيلتنا حاجة اسمها الطلاق.. والدى ووالدتى متجوزين من أكتر من 50 عاماً”.
وتحدثت الفنانة خلال اللقاء، عن أنها انفصلت عن زوجها بعد عقد القران وقبل الدخول بها، وعلقت قائلة:ـ “مكنش في فترة تعارف، وكمان اتسرعت ووافقت على الزواج، ولكن بعد ما سألت عنه وعرفت حاجات كتير مش كويسة، وده علشان أنا كنت مشغولة في مسلسل (خاتم سليمان)، وبعد ما خلصت تصويرها فضيت وعرفته على حقيقته.. بجد عرفت حاجات متخلنيش أكمل معاه”.
