أول تعليق من طليقة مصطفى فهمى على إنتشار خبر طلاقها على السوشيال ميديا

أكدت الأُستاذة إيناس فوزى، محامية الإعلامية المعروفة فاتن موسى طليقة الفنان مصطفى فهمى، على أن فاتن لم تعلم بخبر طلاقها إلا من خلال مواقع التواصل الإجتماعى، وصرحت إيناس فوزى فى مداخلة هاتفية مع الإعلامى عمرو أديب، والذى يقوم بتقديم يرنامج “الحكاية”، والذى يذاع من خلال فضائية “إم بى سى مصر”، على أن الزواج من موكلتى بعد علاقة حب دامت بينهما فى دبى، كان مشروطاً على أن لا يحرم فاتن من حقها فى الإنجاب وخصوصاً أنها أول زيجة لها.

أول تعليق من فاتن موسى عن معرفة خبر طلاقها من مصطفى فهمى على السوشيال ميديا

وعلقت الأُستاذه قائلة:ـ “كل اللى بتطالب بيه تبقى أُم وأظن إن ده أبسط حقوقها، وكمان العلاقة بينهم كانت كويسة جداً وعلى طول كانوا بيسافروا مع بعض، وفى أخر مرة كان هيسافر معاها لحضور حفل خطوبة شقيقتها، ولكن مرحشى علشان الأوضاع فى لبنان غير مستقرة حالياً، وبعد كدا إتفاجئت بخبر الطلاق ، وأكيد ده غدر منه”.

وعلى الفور قامت فاتن بالإتصال بمحامية مصطفى فهمى، لتسألها عن خبر طلاقها الذى شيع على السوشيال ميديا فقالت لها:ـ “أنا مش عارفة بس من المؤكد إنك إتطلقتى”.

مصطفى فهمى وفاتن موسى

وتابعت محامية فاتن قائلة:ـ “فاتن توجهت بسرعة إلى مصر وهى كانت منهارة من الكلام اللى سمعته، ونزلت فى أوتيل، وحاولت الإتصال بيه لكن مردش عليها وبعتتلوا رسائل علشان هى عايزة تعرف هى لسه متجوزاه ولا لأ، ولكن مردش عليها، فقامت بالإتصال بيا علشان أعملها الإجراءات اللازمة، فطلبت منها الذهاب إلى شقتها علشان إنتى فى فترة العدة لو إطلقتى، ولو لسه أهى شقتك ورجعتلها”.

وعلى الفور أسرعت فاتن بالذهاب إلى شقتها، وبعد أن دخلت وجدت أغراضها ولم تجد مصوغاتها فقامت بطلب النجدة، وحينما تم إستدعاء مصطفى قال إنو حطلها أغراضها فى 18 شنطة بلاستيك.

مصطفى فهمى وفاتن موسى

وأكملت المحامية:ـ “ومن المدهش إنى مصطفى لما إتجوز موكلتى إتجوزها شرعى، ولما طلقها كان غيابى رجعى بمعنى إنها لو طالبت بحقوقها هيقول إنها لسه زوجته وفى شهور العدة ومن الممكن إنو يرجعها بورقة، ولكن هو لو كان عندو نية يديها كل حقوقها كان طلقها بينونة كبرى، وهى دلوقتى لو هطالب بحقوقها سيقال لها ممكن يرجعك”.

وفى النهاية قام عمرو أديب بسؤال المحامية:ـ “طب هو على إستعداد إنو يديها حقها.. وهى عايزة إيه؟”، فردت:ـ “على فكرة هى ليها مؤخر نص مليون جنيه، وكمان نفقة عدة ونفقة متعه، وكمان الزميلة قامت بإرسال إنذار بتقول فيه إستلمى 18 شنطة، وهو ده إبراء ذمة موكلى من كل حقوقها، وعلى فكرة أنا بطالب بينونة كبرى علشان تعرف تاخد حقها”.

عمرو أديب


اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.