كشفت الفنانة الجميلة إيناس مكى، عن رأيها في فكرة المساكنة والتى ظهرت في الآونة الأخيرة، وأكدت على أنه زنـ،ـا مُرخص ويُقلل كثيراً من حقوق المرأة، وتحدثت أيضاً عن الدين الاسلامى وتأثيره على حياة الإنسان بصفة عامة.
وأكدت الفنانة، أثناء تصريحاتها مع القاهرة 24 وقالت:ـ “المساكنة فكرة هدامة، وكمان زنـ،ـا ودعـ،ـارة بس برخصة، وبجد حرام تجيبوا أولاد بدون نسب، والدين الاسلامى عمره ما قال كده حفاظاً على حقوق النساء، والدين عمره ما كان عدو ولا بيخنق وإنما وُجد لتنظيم الحياة وتكريم السيدة كزوجة ويرقيها عن غيرها من باقى المخلوقات، وده بدل ما تكونى من غير حقوق والراجل في الآخر يرميكى”.
وتابعت الفنانة:ـ “الناس نسيت الدين وكتير منهم بقوا مشتتين، وأنا بحمد ربنا إنى محصليش التشتت ده من صغرى، وده عشان أنا مؤمنة بالحرية ولكن بضوابط ونُظم، ومن غير ما أغلط أو أضر نفسى أو أى شخص آخر وأروج لإتجاهات محرمة، ولما بلاقى كتير من اللى حواليا بيقولوا حاجة غلط ببعد عنهم وأنسحب وبس”.
وقامت إيناس مكى مؤخراً، بالحديث مع القاهرة 24 عن إمكانية زواجها، وعلقت قائلة:ـ “أنا لسه ما قابلتش الراجل المُناسب اللى يقنعنى بالزواج لحد دلوقتى، وده عشان لازم أكون مُقتنعة بالشخص اللى هرتبط بيه، وفكرة الجواز مش سهلة، ولو لقيت حد كان زمانى عايشة في استقرار”.
وأنهت الفنانة:ـ “عمرى ما كان عندى قناعة إن في راجل بيخاف من الست القوية أو الفنانة، وده علشان هو بيفهم كويس الست اللى أمامه بتعرف ربنا ولا لأ، وده مش هيفرق إن كانت فنانة أو بتشتغل في أى مجال آخر”.