“مفيش ست بتسرق راجل كله بيجى بمزاجه”.. أول تعليق من دينا الشربينى عن إتهامها بسرقة الأزواج
تحدثت الفنانة الجميلة دينا الشربينى عن أيام طفولتها، وعلقت:ـ “كنت طفلة شقية جداً وكمان زنانة وعندية، وكنت بدعى ربنا لما أكبر وأتجوز ما أخلفشى أولاد مثلى زنانين.. بس اللى أنا متأكده منوه إنى ربنا هيردهالى”.
"مفيش ست بتسرق راجل كله بيجى بمزاجه".. أول تعليق من دينا الشربينى عن إتهامها بسرقة الأزواج
وصرحت الفنانة خلال لقاءها بالإعلامى أنس بوخش، والذى يقوم بتقديم برنامج “ABtalks”، عن إستيائها من قيام بعض النساء بسرقة الرجال من زوجاتهن وصديقاتهن، وأكدت على أنها عانت الكثير من مثل تلك المواقف، وقالت:ـ “حاجة وحشة أوى إنك تخطفى راجل مرتبط بواحدة.. بس مفيش راجل بيتخطف إلا لو البنت ساعدته على كده”.
وتابعت الفنانة:ـ “أخطر شئ في الموضوع إنها بتكون على علم بكل شئ، وبالتالى الموضوع بيكون سهل جداً عليها، وأنا مستغربة الرجالة ليه متكنش زى الستات ودى حاجة مُهينة لينا، وفى النهاية مفيش ست بتسرق راجل كله بيجى بمزاجه”.
وأوضحت دينا الشربينى، بأن مثل تلك الأمور لم تؤثر على علاقتها بأصدقائها وإعطائها الثقة الكاملة لهن، وقالت:ـ “أنا بثق في أصدقائى أوى، واللى هتخذلنى تانى.. خلاص.. هتطلع من حياتى والموضوع إنتهى.. صاحبتى ممكن أزعل عليها أكتر من أى شخص تانى، وده علشان الصداقة بتكون أكتر من الإخوات”.
وأكدت الفنانة خلال اللقاء، على أنها تعرضت للإنتقاد من جمهورها منذ عامين بسبب إتهامها بخطف رجل من زوجته وعائلته، وقامت الفنانة بنفى هذا الكلام وأنه لا أساس له من الصحة، وعلقت:ـ “فى ناس إتهمتنى إنى خطفت زوج واحدة تانية، وكمان أصدقائى قالوا إطلعى ووضحى الأمر وإنهم إنفصلوا من سنين، وللأسف الشديد أنا قررت وقتها إنى متكلمش علشان دى مش حياتى لوحدى، وإحنا كنا أُوكية مع بعض.. أنا مش على راسى بطحة”.
وتحدثت دينا الشربينى أيضاً عن حياتها العاطفية، وأكدت على أنها تؤمن بالحب من أول نظرة وأنها وقعت في شباك الحب مرتين قبل ذلك، وأنها لم تقوم بتكرار الأخطاء التى وقعت فيها في العلاقتين.
