قامت الفنانة الجميلة داليا مصطفى، بالكشف عن تفاصيل معاناتها مع الدروس الخصوصية في مصر، وأكدت بأن حصص المراجعات النهائية للكثير من المعلمين تصل إلى نحو 370 ألف جنيه.
وأضحت داليا، أثناء استضافتها ببرنامج “يحدث في مصر”، والذى يقوم بتقديمة الاعلامى شريف عامر، والذى يُذاع من خلال فضائية “mbc مصر”، وقالت:ـ “بنت شقيقة شريف جوزى بتاخد درس في الكيمياء، ولما حسبت الساعتين للمدرسين الكبار في المراجعات النهائية اللى بيدوها على تطبيق الزوم قبل الإمتحان، لقيت عدد الطلبة اللى بيدفعوا فلوس في ساعتين يصل إلى 370 ألف جنيه”.
وأضافت الفنانة:ـ “فى ناس كتير بتهاجم الفنانين وبيقولوا لينا إنتوا بتاخدوا كام.. بس للأسف الشديد إحنا مبناخدش 750 ألف جنيه في ساعتين، وده إجمالى مبلغ الطلبة اللى حضروا كورسات المراجعة النهائية في ساعتين في مادة واحدة لأى مدرس خصوصى كبير، وليه مدرسين الدروس الخصوصية ميتخدش منهم ضرائب.. لازم يدخلوا تحت مظلة الحكومة”.
وأنهت الفنانة حديثها وقالت:ـ “والكابتن بشير التابعى نجم نادى الزمالك ومنتخب مصر السابق، قال إن إبنه بيدرس في الجامعة حالياً وبياخد دروس خصوصية، والموضوع مبقاش يختص بمرحلة الثانوية العامة وخلاص”.
ومن جانبه، فقد تحدث الاعلامى شريف عامر عن تفاصيل حياته ومعاناته مع الدروس الخصوصية، وعلق قائلاً:ـ “لما جيبت ملحق في الصف الخامس الابتدائى أبويا كان بيقولى عادى عيد السنة مرة تانية ومتخدش دروس خصوصية أبداً، وأنا في مرحلة الثانوية أخدت درس واحد بس في مادة اللغة العربية، ولكن دلوقتى الأمر بقا صعب جداً وغريب أوى”.
تليجرام فيسبوك الاتصال بنا من نحن الخصوصية فريق العمل حقوق الملكية EN