“أنا عاوز القصاص علشان أخويا يرتاح وإحنا”.. أول تعليق من شقيق ضحية قاتلة زوجها بعد 6 أشهر من الزواج بسبب العشاء

صرح محمد هشام شقيق الضحية الذى تم قتله على يد زوجته عقب مرور 6 أشهر من زواجهما، بقرية المنيل مركز الستامونى محافظة الدقهلية، حيث قال:ـ “لما الشجار زاد عن حده والصوت زاد والدتى طلعت تشوف فيه إيه، ولما أخويا فتح قال لها إن مراتوا معملتشى أكل علشان يتعشى، وإنوا بيكلمها ومش عاجبها”.

"أنا عاوز القصاص علشان أخويا يرتاح وإحنا".. أول تعليق من شقيق ضحية قاتلة زوجها بعد 6 أشهر من الزواج بسبب العشاء

وأكد شقيق المجنى عليه، وذلك خلال اللقاء الذى تم مع الإعلامية “نهال طايل”، والتى تقوم بتقديم برنامج “تفاصيل”، والذى يذاع من خلال فضائية “صدى البلد2″، وعلق:ـ “وعلى فجأة أنا سمعت أخويا بيصرخ بصوت عالى وبيقول إلحقينى ياما مراتى ضربتنى بالسكينة، وبصوت عالى إلحقنى يإبراهيم أنا بموت”.

وأكمل:ـ “أنا لما طلعت جرى لاقيت مرات أخويا في وشى بس منظر الدم وأخويا واللى كان فيه أنا إنشغلت بيه، وكمان والدتى قعدت تصرخ وتقول ضربتى جوزك بالسكينة حرام عليكى هو عمل فيكى إيه، فردت أيه قتلتوا علشان أريحكم منه، وقومنا واخدينوا ورايحين على المستشفى علشان يأكد الطبيب بإن أخويا مات”.

وتابع:ـ “ولما الكل سأل مرات أخويا عملتى ليه كدا، قالت أخوك ما كنشى سايب مصاريف في البيت وعايزنى أجهزلوا عشاء تيجى إزاى، ولما طلعنا الشقة لقينا التلاجه مليانه على أخرها من أكل وفاكهة وحلويات وعصاير، وأنا لحد دلوقتى مش مصدق إنى أخويا إتقتل على إيد مراتوا، وكمان أنا لحد دلوقتى بصحى من النوم مرعوب ومش عارف أنام ساعتين على بعض، وكل لما أغمض عينى بشوف أخويا قدامى وهو غرقان في دمه، ومرات أخويا مش عارف عملت كدا ليه إحنا كما بنعاملها زى أُختنا من أول يوم دخلت فيه البيت”.

وأنهى قائلاً:ـ “ومش عارف أقول إيه بس اللى أقدر أقوله دلوقتى حسبى الله ونعم الوكيل فيكى، وكل اللى أنا عاوزه دلوقتى القصاص العادل علشان أخويا يرتاح في تربته، وإحنا كمان نرتاح”.

وجديراً بالذكر، أن تم إتخاذ كافة الإجراءات القانونية، وتوضيح ملابسات االجريمة، حيث تم عرض الزوجة والتى تسمى “فاطمة” 22 سنة، على النيابة العامة، وقامت بالإعتراف بجريمتها، حيث نشبت مشادة كلامية بينها وبين زوجها أدت في النهاية إلى طعنه بسكين أودت بحياته في الحال.