قامت الاعلامية المعروفة بسمة وهبه بنشر مقطع فيديو لها، وذلك من خلال حسابها الرسمى على موقع تبادل الصور والفيديوهات الشهير “إنستجرام” أثناء خضوعها لعملية جراحية عاجلة، وظهرت الاعلامية وهى تحت تأثير البنج، وعلقت قائلة:ـ “الواحدة بتبقى عاملة زى الخروف.. خروف داخل يدبـ،ـح والله.. يارب يا كريم.. يارب يرحمك يا وفاء”.
وقامت وهبه بالتعليق على الفيديو وكتبت:ـ “واحدة معرفة اتصلت عليا وأنا مردتش عليها فبعتت رسالة ليا بتعاتبنى فيها، وأنا رديت عليها قلتلها أسفة مش قادرة أرد عليكى ولما أقدر هكلمك، وهى راحت رادة عليا وقالت آه مانتى مشغولة على الآخر وكل يوم في حته شكل وبتتفسحى، وانا من مكانى حابه أقولها هى واللى زيها إن أى صورة على السوشيال ميديا حلوة أوى وراها أوقات صعبة أوى، وأى سعادة وراها أوقات تعاسة وألم وحزن.. أه ممكن أكون مسافرة بس بعمل عملية، وكمان ممكن أكون مسافرة وفى عملية وتحت تأثير البنج وحزينة جداً”.
وأضافت بسمة:ـ “وده علشان صديقة عمرى ماتت من يومين، وحتى وأنا تحت تأثير البنج وتعبانة حزينة جداً عليها وبدعيلها، وممكن أوى أكون مسافرة أتعالج مش بتفسح.. بس بما إنى مسافرة لو معندكيش مانع أخرج قبل العملية وأتمشى شوية في الشارع بعد العملية لو ده مش هيضايقك”.
وأنهت الاعلامية:ـ “وانا بقولك إنتى واللى زيك ربنا ما يحكم عليكى يا بنتى باللى أنا فيه، وكمان إحمدى ربنا إنك مش مضطرة تسافرى تدورى على علاج لمرض نادر.. من فضلكم ارحمونا بقا وسيبونا في حالنا وكفاية حسد.. أنا صديقتى وفاء ماتت بسبب الحسد”.
حسام ابو فتحي من مصر 01024519269