قامت الفنانة المعروفة بدرية طلبه، بتوجيه الشكر لكل من إطمأن على إبنة شقيقها بعد أن قامت بكتابة منشور من خلال صفحتها الرسمية على موقع التواصل الاجتماعى “فيس بوك”، وقالت:ـ “إبنة شقيقى تعرضت لمحاولة خطف عن طريق الإبر الطبية، وأنا من مكانى بقدم الشكر لكل من إهتم وإطمن وسأل من الدولة وقسم الشرطة التابعة لها، وشكر خاص لأعضاء النقابة اللى سألوا وإطمنوا على البنت من باباها، وبأكد للجميع أنا حذفت البوست بسبب التعليقات البايخة واللى ملهاش لازمة.. أنا محذفتهوش من فراغ”.
وجديراً بالذكر، بأن الفنانة بدرية طلبة كتبت منشور من خلال صفحتها الرسمية على “فيس بوك” قائلة:ـ “والله عمرى ما كنت بصدق ومكنش يجى في بالى أبداً إن دى حقيقة، ولكن حصلت لحد يخصنى.. اللى إتشكت دى تبقى بنت أخويا، والحمد لله ربنا سترها ورجعت بيت أخويا بألف سلامة، وياريت الكل ياخد بالوا من بناته، وده علشان الواضح إن البنات كبار السن هن الهدف، وياريت الكل يشير البوست ده علشان الكل يعرف والناس تاخد بالها، وعلى فكرة ده مش بوست منقول دى صفحتى الشخصية وأنا بدرية طلبة واللى إتخطفت بنت أخويا الغالية”.
ومن جانبه، فقد قام الكثير من رواد مواقع التواصل الاجتماعى بالهجوم على الفنانة بدرية طلبة، ووجه لها الكثير تهمة الترويع ونشر الأخبار الكاذبة، وقامت الفنانة بالتعليق على الهجوم عليها وقالت:ـ “إعتبرونى منشرتش حاجة.. طالما إن الكل هيقعد يكدبنى ويناقشنى، وعلى فكرة أنا بوعى الناس وبس علشان اللى حصل معانا، وكمان أنا مقلتش تخدير كلى زى ما الناس بتقول، والبوست كان واضح وصريح”.
وتابعت الفنانة:ـ “وكمان اللى بيدخل معايا على الخاص علشان يعرف التفاصيل.. أنا مش فاضية أقعد أشرح لكل شخص مش مصدق، كل واحد براحتوا والغريبة في الموضوع بقى ناس كتير تقول علشان التريند.. تريند إيه يا أبو تريند، هو أى كلام فاضى وهبد بيتقال وخلاص هى الناس فايقة”.
برنامج راىع جدا