كشفت الفنانة عنبر، عن كواليس حياتها الشخصية والفنية، وأكدت بأنها تخلت عن حلمها في الأُمومة من أجل والدتها، حيث أنها أبدت حزنها الشديد على فراق والدتها، وأوضحت بأنها لم تُقدم أى تنازلات لكى تعمل بالوسط الفنى.
وأكدت الفنانة، أثناء استضافتها ببرنامج “كلام الناس”، والتى تقوم بتقديمة الاعلامية ياسمين عز، والذى يُذاع من خلال فضائية “mbc مصر”، وقالت:ـ “أنا ضحيت بالأُمومة علشان والدتى، وده عشان هى كمان ضحت بحياتها كلها عشانى، ودى أقل حاجة ممكن أقدمها ليها، وهو ده رزقى من الدنيا وأنا راضية بيه والمهم عندى إنى مقصرتش في حق والدتى، ومكنش ينفع إنى أخلف علشان الطفل اللى هيجى كان هياخد كل اهتمامى ورعايتى ليها”.
وتابعت:ـ “وبجد ربنا عوضنى عن حرمانى من الأُمومة بحب أصحابى وجوزى والناس اللى حواليا، وأكيد كان نفسى أكون أُم لأنى بحب الأطفال أوى، ولكن والدتى كانت أهم عندى من أى شئ في العالم كله”.
وأضافت عنبر:ـ “وبتمنى إن ربنا يجعل رعايتى لأُمى في ميزان حسناتى ويعوضنى خير وكل شئ في الدنيا نصيب، ويارب إجعل كل مرضها في ميزان حسناتها، وفداها الدنيا وكل اللى عليها والحمد لله إن ربنا قدرنى إنى أحافظ عليها لحد ما وصلت لـ مأواها الأخير”.
وتحدثت الفنانة خلال اللقاء، عن أنها رفضت أن تُقدم أى تنازلات في بدايتها الفنية، وعلقت قائلة:ـ “عمرى ما قدمت تنازلات في بداية عملى بالفن، ولكنى تعرضت للكثير من الضغوط وحاجات كتير وأى فنانة بتدخل الوسط الفنى، وكمان إتعاملت مع هذه الضغوط بشكل عنيف، وده علشان إحترامى لـ ربى وأهلى ونفسى، ولو التنازلات هى السبيل الوحيد للشهرة فأنا مش عاوزاها”.
وأنهت الفنانة حديثها وقالت:ـ “مهما كانت مكانة الست الاجتماعية حتى وإن كانت وزيرة فالراجل هو الراجل، وهو بيحب يحس برجولته ويحس بكاينه ويحس إن مراتوا هى ست البيت بغض النظر عن مكانتها بالمجتمع”.