“منعني من التمثيل وحا ر بني علشان رفضت اشتغل معاه وجالي اكتئا ب ٥ سنين بسببه”.. عبير صلاح الدين تكشف عن خلافها مع محمد صبحي

صرحت الفنانة عبير صلاح الدين عن سر غيابها عن الساحة الفنية، وقيامها بالهجرة إلى خارج مصر لمدة 6 سنوات، وذلك بعد تقديمها الجزء السابع من المسلسل الشهير “يوميات ونيس”.

وأكدت الفنانة، من خلال تصريحات تليفزيونية وقالت:ـ “أنا بقالى 6 سنوات عايشة في كندا، وانا سافرت علشان غيرت مجالى المهنى نهائى وقررت أشتغل في حاجة تانية غير الفن، وأكيد الواحدة منا لما بتلاقى الدنيا مقفولة عليها بتحاول تدور على حاجة تانية في حياتها، ويمكن ربنا خلاها تروح للحاجة التانية علشان هى مش واخدة بالها منها، وأنا دراستى في الأساس علم الاجتماع وعملت ماجستير في علم الاجتماع وفن المنولوج”.

وتابعت:ـ “وفى عام 1994 تركت فن المنولوج علشان أكمل في مسلسل يوميات ونيس، وفضلنا شغالين فيها 3 سنوات وعرضنا 5 أجزاء ووقفنا حوالى 10 سنوات ورجعنا تانى نكمل في 2008، وانا في الـ 10 سنين دول رجعت للمنولوج والمهرجانات”.

وكشفت الفنانة خلال لقاء تلفزيونى سابق، وذلك في أحدث ظهور لها بعد عودتها من كندا، على أنها رفضت أن تستكمل تصوير باقى أجزاء مسلسل “يوميات ونيس”، وعللت السبب قائلة:ـ “من حقى كفنانة أرفض الدور المعروض لو محستش إنى هقدم جديد، وأنا مش هحـ،ـرق الشخصية بعد النجاح ده، وده علشان أنا فنانة وبحب فريق العمل والصدق أهم حاجة في حياتى، ومكنتش قادرة أكمل علشان الفنان مش آلة تدوس على الزرار يشتغل ضرورى يكون في إحساس”.

وأضافت عبير:ـ “كتير من زملائى قالولى كده مش هتشتغلى وهتقعدى في البيت، وأنا رديت وقلت الرزق على الله وحاولت كتير لكن الأبواب كانت مقفولة، وبعدها جالى إكتـ،ـئاب لمدة 5 سنوات وكل الأبواب بتتقفل في وشى”.

وأوضحت، على أنها تعرضت للظلم وتم محاربتـ،ـها بسبب رفضها استكمال باقى أجزاء المسلسل وقالت:ـ “من ساعاتها حاربنـ،ـى محمد صبحى علشان قلت لأ مش هكمل، وكمان حـ،ـارب نجوم غيرى كتير ولو لاحظنا إن في فنانين كتير اتغيرت من أول جزء حتى أخر جزء، وده علشان اللى بيقول لأ محمد صبحى بيمـ،ـوته في الموسم اللى بعده وبيسفره”.

وأنهت الفنانة:ـ “ناس كتير قالولى أعتذر له علشان كده هقعد في البيت، ولكن أنا رفضت ومش ندمانه علشان أنا مغلطش، وبعدها بدأت أحس بحاجة من نوع أنا اللى عملتك من غير ما تحسى، ويمكن التجربة دى خلتنى أراجع نفسى وأعيد تفكيرى في حياتى كلها”.