“قولت مش هشتغل بقى ليا راجل يصرف عليا” و”مش عاوزة بنتي تغني ولا تمثل”.. تصريحات مثيرة لـ «مي كساب»
بدأت “مي كساب” كمغنية بسيطة ورويدًا رويدًا أصبحت أيضًا تخوض مجال التمثيل، حتى نسيت موهبتها الأصلية وبدأت تلتفت إلى مجال التمثيل أكثر، ولم تكن تحظي بالشهرة التي تجعلها محور حديث الجمهور والإعلام عنها، حتى تزوجت من المغني الشعبي “محمد صلاح” الشهير بـ “أوكا”، ورُزقا بطفلة تدعي “فريدة”، وبالأمس حلت ضيفة بإحدي حلقات برنامج “بيومي أفندي” الذي يقدمه الفنان “بيومي فؤاد” على قناة “dmc”، وروت خلاله الكثير من الأسرار في حياتها وسنعرضها عليكم على لسانها.
1- عمرى ما كنت بتاعت مصلحتي
صرحت مي كساب على أنها ليست شخصية تميل إلى مصلحتها على حساب الغير وأضافت:
“عمرى ما كنت بتاعت مصلحتي، ولازم أكون بحب الشخص اللي أمامي علشان أشتغل معه، أنا واحدة هبلة يعنى لو في منتج رفض إعطائي مستحقاتي المالية في أي مسلسل أو فيلم وطلب منى العمل معه هاشتغل معاه تاني، ومعنديش مشكلة في كدة”.
2- أنا ليا فلوس برة من 2011
أشارت مي على أنها لديها الكثير من الأموال لدي البعض منذ سنوات ولكن خجلها يمنعها من المطالبة بها، حيث قالت:
“مبعرفش أطلب فلوسي من حد أنا ليا فلوس برة من 2011، ومبعرفش أخد موقف من حد، أنا حنفي أوي يعني واللي بينصب عليا بشتغل معه ثاني عادي”.
واستكملت: “معايا شيك بمبلغ لمنتج بس مفكرتش أقدمه وأطلب حقي، لأنه قالي الفيلم معملش إيرادات وخسرت كتير”.
3- حولونا لبتوع نحتاية وسبوبة
كشفت مي عن رأيها في المنتجين الذين لا يسعون إلا وراء مصلحتهم في الربح فقط، دون الإهتمام بتقديمهم لعمل فني بشكل متكامل، وتابعت:
“كلنا بنقبل شغل عشان لقمة العيش، رغم عدم وجود قبول كامل له، إحنا في مصر والوطن العربي نفتقر للمنتج الفنان، بيحولونا لبتوع سبوبة ونحتاية، وإحنا عشان الأقساط وناس في رقابتنا، بنضطر نقبل”.
4- قولت مش هشتغل بقى ليا راجل يصرف عليا
هكذا صرحت مي كساب، مشيرة بأنها كانت تنوي بعد الجواز بألا تعمل مرة أخرى لتتفرغ إلى بيتها وإبنتها، حيث قالت:
“قولت مش هشتغل بقى ليا راجل يصرف عليا ومش لازم أنزل أشتغل وأتعب نفسي، بس لما جالي دور مع نيلي كريم في مسلسل (لأعلى سعر)، مقدرتش أقولها لا، والحمد لله الدور كان لطيف وعرفت أعمله بجانب إني آخد بالي من بنتي.
وتابعت: “عندي تأنيب ضمير وبخاف أسيب بنتي أو أهملها وأخلي حد ثاني يهتم بيها”.
5- زمان كنت بهتم بالشائعات
وأوضحت مي عن رد فعلها أمام الشائعات الآن مضاهاة بالسابق وقالت:
“أمي كانت بتضايق من الشائعات وبتدعي على اللي بيقول كلام عليا ظلم، أنا بنت وشرفي وسعمتى مينفعش حد يتكلم عليا عشان واقفة مثلًا أتكلم مع واحد”.
وتابعت: “دلوقتي بقيت وباردة ومحمد علمني أكون باردة وبلاش عصبية، خليهم يكتبوا اللي هما عايزينه وبطلت أرد كمان عليهم”.
6- الناس بتضايق عشان بصور بنتي من ضهرها
حينما بدأت مي تنشر صور طفلتها فريدة تعمدت أن تنشرها وهي بظهرها، وتخفي ملامحها عن الجمهور، وعن ذلك الأمر قالت:
“الناس بتضايق عشان بصور بنتي من ضهرها ومنزلتش ولا صورة ليها بوشها، قولتلهم ليه يا جماعة أنا حرة طالما مبضرش حد”.
واستكملت: “محمد منير حبيبي كان في حفلة ولسه راجع من العلاج، فحبيت أطمن عليه وطلعت غنيت معاه، وقالي هاتي فريدة على المسرح جبتهاله وباس رجلها، فالموقف أثر فيا ونزلت الصورة وكتبت فريدة خدت البركة من الكينج، لقيت هجوم والناس بتقول بركة إيه هو كان شيخ مالك في ايه”.
وتابعت: “مسحت كل اللي غلط في منير، وكتبتلهم الكينج ده أبويا وحبيبي ويعتبر جد فريدة وتحصلنا فعلا البركة لأنه سلم على فريدة وباسها”.
6- دنيا سمير غانم هي الأولى
وعندما سُئلت عن رأيها في الفنانات قالت:
“بحب شادية جدًا وهي مثلي الأعلى في كل حاجة، ومن الموجودين دلوقتي أنا شايفة إن دنيا سمير غانم هي الأول على الفصل في مدرسة جيلنا”.
7- مش عاوزة بنتي تغني أو تمثل
كشفت مي عن أمنيتها، وهي ألا تدخل إبنتها إلى عالم الفن ولا تعمل بها، وقالت:
“مش هدخل في اختيارتها ده قراراها، بس هقولها سلبيات المهنة إن مفيش حياة، بس من جوايا مش عايزاها تبقى كده لأنها مش هتعرف تستمتع بحياتها ولا تروح أي مكان”.
