فنانه مسيحيه تُدافع عن الاسلام وتُشارك المسلمين في الاضاحى وتأكل معهم الفته …تعرف على بوست للفنانه عايده رياض الذى أثار الجدل
قامت الفنانه عايده رياض بنشر بوست اليوم على صفحتها الرسميه على الانستجرام، وقالت فيه:ـ”انا مسيحيه وبحب احتفل بعيد الاضحى وأُشارك في ذبح الاضاحى، ياجماعه الموضوع عادى ومش مستاهل كل الجدل ده”.
عايده رياض
وتابعت الفنانه”ياجماعه انا مسيحيه وبشارك في الاضاحى، وبحب الفته في العيد ونعيش العيد ونفرح مع بعض، وعلى فكره دى مش حاجه تقلل منى ابداً والموضوع مش محتاج كل الضجه دى، والذبح موجود في كل الاديان السماويه ومش فاهمه ليه كل المشاكل دى، والذبح موجود في الديانه المسيحيه وبنشترك كلنا ونضحى مع بعض وهنكمل مع بعض وخلى اللى يتكلم يتكلم احنا مش هنسمعله”.
وأضافت عايده”وانا متعوده من زمان على كده وعمر ما حد سأل حد انت مسلم ولا مسيحى ياجماعه الدين لله والوطن للجميع، وكلنا في الاخر أخوات مصريين وأهل وأحباب وصحاب ومفيش فرق بينا ولو شخص إتكلم على الاسلام بطريقه وحشه انا بطلع بنفسى وبرد وبدافع عن الاسلام لاننا كلنا واحد ومفيش فرق بينا”.
وصرحت الفنانه:ـ”إحنا بنتشارك الوطن ياجماعه اللى بيجمعنا على المحبه والود، وطول عمرنا إيد واحده وهنفضل إيد واحد وهنكمل على كده واللى يقول غير كده دول يبقوا ناس مش كويسه وعاوزين يفرقونا، وانا مش عوزه اخش في جدل مع حد من الناس دى، ويارب دايما نفضل مجتمعين على الخير وديما أخوات وصحاب وحبايب وجيران، وديما أيد واحده في مواجهة الناس اللى بتفكر بالطريقه دى ويارب نكمل مع بعض ومنسمحش للفتن تخش بينا”.
وتسبب هذا البوست في موجة جدل عارمه على مواقع التواصل الاجتماعى ما بين مُؤيد ومعارض، فقام البعض بالرد على الفنانه في التعليقات رودداً لاذعه ورد البعض الاخر قائلا بلاش نفكر بالطريقه دى واحنا بنكمل بعض وعايشين من زمان مع بعض على كده ومش عاوزين اى حد يفرقنا.
