قامت الفنانة مى كساب، بوضع صورة لطفلتها مع جدها والد أوكا التي وضعتها قريباً وقاموا بتسميها ” فريدة “، ووضعت صور لها مع فريدة ابنتها مع زوجها أوكا وحرصت على أن لايظهر وجه طفلتها في الصور، وكتبت الفنانة مى كساب عن معاناتها مع الأمومة على موقع التواصل الاجتماعي “فيس بوك “.
مى كساب تضع صور ابنتها مع جدها
فقالت الفنانة مى كساب بحزن شديد ” أول ما أهل جوزي بيمشوا من البيت بأحس أني اتعريت بجد مش عارفة من غيرهم كنت عملت إيه.. اديني قاعدة أهو عاملة زي العيلة الصغيرة وماسكة في إيدي عيلة صغيرة وببفي محتاسة وبحاول أقوى نفسي طول الوقت واعمل فيها جامدة بس أنا كدابة ولا طلعت جامدة ولا أي حاجة “.
وتوالت مى كساب بوضع مافي قلبها على صفحتها وتقول ” بعيط لما بتعيط، وبعيط لما بقعد بها لوحدي، صح محمد حرام بيعمل اللي عليه وبيطلع يشيلها معايا ساعتين عشان أنا أنام فيهم، بس أول ما بينام وأفضل أنا برضه بها لوحدي بأفضل أعيط زي العيال، ما أنا عيلة ومن غير حضن أمي “.
وتابعت مى كساب بالتعبير عن حزنها وفقدانها لأمها في أكثر وقت تحتاجها فيه ” ياه يا أمي سيبتيني بدري قوي وأنا عيلة ومحتاجالك قوي كنت فاكرة نفسي جامدة، طلعت فستك خالص بحاول أبقى أم وأنا من غير أم صعب قوي إحساس مش هيحسه غير اللي زيي وبس الله يرحمك يا أمي يا طعم الحياة يا كل الحياة “.
