كشفت الفنانة الجميلة ميس حمدان، عن كواليس رفضها المشاركة في الفيلم الشهير “ويجا”، والذى قام باخراجه خالد يوسف عام 2005، وذلك بدلاً من الفنانة دوللى شاهين.
وأكدت الفنانة، أثناء استضافتها ببرنامج “vip”، والتى تقوم بتقديمة الاعلامية أميرة بدر، والذى يُذاع من خلال شاشة “هى” مساء أمس، وقالت:ـ “خالد يوسف أحمق شوية في ردود أفعاله، وهو كان عاوزنى مكان دوللى شاهين في فيلم ويجا، ولما روحت المكتب بتاعه كان هانى سلامة موجود معاه، وكان بيحاول يقنعنى إنى أقدم الدور، وأنا كنت رافضة بشكل رهيب، وده علشان مكنتش هقدر أعمل المشاهد الساخنة والقبلات اللى في الفيلم”.
وتابعت ميس:ـ “ولما مقدرش يقنعنى قالى إنتى كده مش فنانة، وياريت تبطلوا الطريقة دى بقا علشان بوظتوا الفن، وزمان مكنش الفنانين بيفكروا بالطريقة دى، وبرضو كانوا محترمين، وطبعاً هو ليه وجهة نظر تُحترم، ولما حسيت إنوا بيحاول يحطنى في زاوية قلتله طيب إدينى وقت أفكر وأروح البيت وأسأل ماما، وده لأنى مكنش عندى الجرأة الكافية عشان اعمل الدور، وساعتها زعل وهزقنى وقالى بمعنى الكلام.. اللى زيى اللى بوظ الشغلانة”.
وأضافت الفنانة:ـ “وبسرعة البرق الصحافة عرفت والخبر انتشر، وأنا ساعتها قلت إنى هعمل الدور، وإن خالد يوسف كلمنى وإدانى على راسى، وقالى إنتى عاوزة تربطى اسمك بيا وتشتهرى على حسابى، وإوعى تجيبى اسمى على لسانك ومتتكلميش معايا نهائى، وأنا خدت الكلمتين وسكت”.
وأما عن محاولة الفنان هانى سلامة إقناعها العمل بفيلم “ويجا”، علقت قائلة:ـ “أكيد هو حاول يقنعنى، وهو مش ده الفيلم بتاعه وهو اللى المفروض إنوا هيعمل المشاهد دى؟، وهانى من الفنانين الظراف جداً وحقيقى نسمة”.
تليجرام فيسبوك الاتصال بنا من نحن الخصوصية فريق العمل حقوق الملكية EN