محمد أمين الشاب العشريني صاحب الـ 26 عام تخرج من كلية الهندسة قسم المعمار ولم يكن كأي مهندس تخرج من كليته ليبدأ حياته الهندسية ولكن كان مختلف عن الآخرين وبدأ يتفرغ لعشقه الأبدي عالم الجرافيك الذي بدأ يطرق أبوابه من عام 2013 حتى وصل إلى مرحلة الإبداع والتفكير خارج الصندوق.
بداية محمد أمين مع الجرافيك
محمد أمين تحدث عن بدايته مع الجرافيك قائلًا… “كنت بشوف الناس بتعمل تصميم أو صور بشكل جميل حاولت أدور علي طرق للأسف مكنتش بوصل لحلول علشان مكنتش أعرف أي حاجة عن المجال ولا حتى اسم البرامج اللي بيتم استخدامها وبدأت أنفذ تخيلاتي للصور علي برنامج الرسام الشهير وكنت بحاول أفهم اي اللي ممكن يتعمل عليه بعد كده عرفت الفوتوشوب ومن هنا ابتدت حكايتي وقدرت أعرف كل تفاصيل البرنامج في شهرين من غير أي كورسات ودا علشان أنا بحب المجال دا جدًا”.
محمد أمين وإبداعه في مجال الـ “photomanipulation”
وأضاف محمد أمين في حواره مع نجوم مصرية بأنه اتجه إلى مجال الـ “photomanipulation” وهو نوع من أنواع إبداع الجرافيك التي تدل على إبداع وفكر منفذه وهو عبارة عن مجموعة من الصور يتم دمجها في شكل احترافي لتحويلها إلى صورة واحدة لها هدف ومعنى قائلًا.. “بدأت اتعمق في المجال أكثر وفي كل تصميم تحدي جديد لأنه بينتهي بشكل جميل وفي النهاية أقارن بالبداية كانت ازاي وبعدها أشوف التصميم ومدى تعبيره عن الواقع وتأثيره عندها بتأكد إنك ممكن تعمل شئ من اللا شئ”.
