كلمات أغنية “أيام زمان” للمطرب عمر كمال

أصدر المطرب الشعبي عمر كمال أغنية أيام زمان منذ يومين عبر صفحتة الرسمية في موقع يوتيوب الشهير، وقد قاربت الأغنيه من الوصول إلى المليون مشاهدة عبر اليوتيوب، وقد نالت أغنية أيام زمان إعجاب كبير من جماهير المطرب الشعبي عمر كمال، وهو من مواليد 30 سبتمبر لعام 1985، نشأ المطرب عمر كمال في محافظه القاهرة، وقد إلتحق بجامعة القاهرة وحصل منها على بكالوريوس التجارة في عام 2006، كما انه إلتحق بالعديد من ورش التمثيل وأهم هذه الورش ورشة مركز الإبداع الفني وورشة استديو ذات.

المطرب الشعبي عمر كمال
مطرب المهرجان عمر كمال
أغنية أيام زمان للمطرب عمر كمال

فريق عمل أغنية أيام زمان للمطرب عمر كمال

أغنية أيام زمان كلمات سلمى راشيد وتامر النجار، ومن الحان المطرب الشعبي عمر كمال، ومن توزيع الدكتور محمد صادق، العازف على آلة القانون الموسيقيه هو على الخبيري، وإكورديون محسن علام، وجيتارات سامح رفيق، وعازف الناي هو فتحي كولة.

كلمات أغنية أيام زمان للمطرب الشعبي عمر كمال

حنيت لمكانى وانا وسط جيراني

ياما في عز المحنه شالوني وتعبوا عشاني

بحن لحكاويهم والسنده عليهم

فاضل منهم اجمل سيره.

كانت احلى ليالى

كان في أمان مع ناس زمان كان في حياة

لو غابوا روحهم في المكان ومحلياه

في ذكريات من ناس في قلبي مونساه

كان في حبيب وعنيا لسه مصدقاه

كل اللى كان سافر بعيد نسأل عليه

رمضان زمان تفاصيله غير دلوقتى ليه

ولا عمر عدي علينا عيد حسينا بيه

الا اما نتجمع عشان نتلاقى فيه

بحن لبيت جدي وحدوته ستى

لمدرستي في الابتدائيه عن بإلى ما غبتى

بحن لوقفه عيد لعيديه ولبس جديد

بحن لوقفه عيد وعيديه ولبس جديد

بحن لكل شئ كان فيا مبقاش دلوقتى

غمضت عيني وبفتكر ايام زمان

شايف قصادي 100 حكايه و100 مكان

سبحه ابويا ودعوه أمي ساعة الادان

وجواب في ورقه حدفتها لبنت الجيران

وحشتنى رحلة سندباد و بورسعيد

بالعوامات في وسط موجه نروح بعيد

غية حمام مليانه خير على سطحنا

والشمعدان واتاري ماريو وصوت حميد

بيتنا القديم مليان صور بتقول كلام

مليانه فرحة وفيها ود واهتمام

ده مكانش حد يقول لحد خلاص سلام

الا اما يتأكد بأنه بخير تمام

وشارعنا ياما جمعنا واحنا صغيرين

كان كل يوم نلعب سوا مش فين وفين

والناس بتضحك ليل نهار كانوا فرحانين

حاسين في لمتهم دفي متطمنين ياما في عز المحنه شالوني بحن لحكاويهم والسنده عليهم فاضل منهم اجمل سيره.. كانت احلى ليالى.

قد أصدر المطرب عمر كمال أغنية أيام زمان بعد ما قام المطرب هاني شاكر بمنع المطربين الذين يصدرون أغاني تحت مسمى المهرجان من التسجيل في نقابة الموسقيين، وقد اعتذر عمر كمال ومعه حسن شاكوش عن الألفاظ التي أستخدمت في الأغنية الشهيره بنت الجيران.


اترك رد

لن يتم نشر عنوان بريدك الإلكتروني.