“كان هيضرب بناتي بالرصاص”.. تعرف على تفاصيل مشكلة الفنانة شيرين عبد الوهاب مع زوجها حسام حبيب

صرحت الفنانة”شيرين عبد الوهاب” عن تفاصيل مشكلتها بزوجها السابق الفنان”حسام حبيب”من خلال مكالمة تليفونية عبر برنامج”كلمة أخيرة” مع الإعلامية”لميس الحديدي”.

شيرين عبد الوهاب

حيث قالت الفنانة في مكالمتها :” حسام كان هيضرب عيالي بالنار، وقبل هذه الواقعة بيومين كنا قاعدين في الاستديو أنا وهو وفجأة طلع من الدرج علبة فيها رصاص وراح مديني واحدة وقال لي خدي دي هدية مني ليكي، والحمد لله إني لسه عايشة وحسبي الله ونعم الوكيل في كل ظالم”.

شيرين عبد الوهاب

وأضافت الفنانة أنها تعرضت للضرب والإهانة وسرقة سيارتها في بعض الأوقات،  وأنا أطلقت منه طلاق بائن بعد أن حلق شعر رأسي،وبعد ما هديت حسيت إني لا أستطيع أن أعيش من دونه، وقولت لازم أديله فرصة تانية، وكنت مؤمنة بكده وكنت بحبه وبعتبره ابني مش جوزي، وعملتله كل اللي هو عاوزه، وفتحتلوا أستديو علشان شغلنا، واشتريت له كل الأغاني اللي عجبته بفلوسي وباسمي علشان متروحش منه ويزعل عليها.

شيرين عبد الوهاب

ثم ردت شيرين علي كل الأخبار التي تم تداولها حول إدمانها قائلةً ” أنا لم أُدمن الأدوية كما صرح البعض، ولو حصل كده هيبقي بسببه وعلي فكرة الموضوع خلص وأخذ أكثر من حقه وانا فنانة مش فاضية وانا عندي شغلي اللي لازم أركز فيه وعندي فيلم بحضر له.

شيرين عبد الوهاب

وقالت الفنانة أنا لن أنسى كل من وقف بجانبي وسأل عني في أزمتي وخاصة لميس، والفنانة ياسمين عبد العزيز، والفنانة منة شلبي، وغيرهم، وأنا عارفة أن في مشاكل عند الجمهور أهم من مشاكلي الشخصية وبصراحة الموضع بوخ وخد أكتر من حقه.

شيرين عبد الوهاب

وأخيراً قدمت شيرين اعتذارها للجمهور علي الهواء قائلةً:” أنا عاوزه أستغفر ربنا علي الكدب اللي أنا كدبته علشان أحسن صورة إنسان، ودي أكتر حاجة ربنا مش بيحبها”، وسألتها لميس أنتي كدبتي في أيه فأجابت ” كدبت في حاجات كتير أوي علشان أنا بنت أصول ما حولتش أشوه سُمعة إنسان ممكن في الأيام اللي جايه يروح يتجوز من عيلة تانية فمينعشي أتكلم عليه وحش، وبصراحة علشان أخلص منه، ويتجوز واحدة تانية ويبعد عني ويسبني في حالي”.

اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.