خواطر درويش: أنت طبيب نفسك

مش لما تتعب مش بتخد دواء!
ولو الدواء منفعش ولسه تعبان
مش بتدور على دكتور شاطر تروح له
عندك مشكلة في البطن في القلب في العين لا قدر الله
مش هتتأخر وتعالج نفسك حتى لو كلفك تعبك مئات الجنيهات مش كده !

طب لما تلاقي نفسك بتحب الأغاني وتسعد وتتلذذ بها
لما تلاقي نفسك حزين وصدرك ضيق!
لما تلاقي نفسك عندك ملل ومفيش حاجة تعجبك!
لما تلاقي نفسك مش قادر تسمع قرآن
لأن قلبك مش حاضر!
لما تلاقي نفسك بتتنرفز من أقل كلمة
ومش قادر تسمع حد أو تساعد حد !
لما تلاقي نفسك مش سعيد
ومش قادر تسعد اللي حوليك
أعرف إن قلبك أسود ميت لا حياة فيه !
محتاج دكتور محتاج حد يأخد بإيدك

ومفيش أحسن من كلام الله!
ألم تسمع قول الله تعالى
الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ
أحي قلبك أيها العبد الفقير بذكر الله
سيطمئن قلبك ويلين وينكسر
ويرق لكلام الله وأوامره ونواهيه

اجعل لك ورد بذكر الله في الصباح قبل ما تروح الشغل
أو وأنت في طريقك للعمل وقبل المغرب عيش مع كلمات الله الرقيقة العذبة
تحي قلبك وتجعله رقيق مرهف الحس
فيلين قلبك ويسبح مع كلمات الله
فتكون لك نجاة وفلاح وقرب من الله ورسوله
فتلين لك القلوب وينساق لك العباد
فلا تنسى ذكر الله فينساك الله في يوم
لن ينفعك فيه إلا ذكره
فزد ولا تنقص فالله يسمع ويرى !

قد يعجبك ايضا

اترك رد

لن يتم نشر عنوان بريدك الإلكتروني.