تعرف علي أغنية أحمد مكي الجديدة “أغلي من الياقوت” كلمات وفيديو التي حققت 7 مليون مشاهدة


أغنية أغلي من الياقوت لأحمد مكي حققت نجاحاً كبيراً منذ إطلاقها وأصبح فيديو الأغنية الترند في موقع اليوتويب، وحققت 7 مليون مشاهدة خلال الأسبوع الأول منذ بداية صدورها، الفنان أحمد مكي من رواد أغاني ألراب العربي، النوع التي يعشقة الكثير ويميل إلي ألاستماع له، يتميز أحمد مكي بطرح أغاني التي تميزه عن الآخرين من الفنانين من حيث الأداء وتوزيع الأغنية، لذلك أصبح له جمهور كثيراً ومتابعين لأعماله الفنية سواء الغناء أو التمثيل، ومن المعتاد علي أحمد مكي أن أعماله تُثير ضجة كبيرة في مواقع التواصل الاجتماعي والميديا وتُحقق نجاحاً مبهراً للجميع، أغنية “أغلي من الياقوت” أثرت في الجميع بسبب كلماتها المؤثرة والكثير يبحث عنها، لذلك من خلال موقعنا موقع نجوم مصرية نقدم لحضراتكم أغنية أحمد مكي “أغلي من الياقوت” كلمات وفيديو.

كلمات أغنية أغلي من الياقوت لأحمد مكي
تعرف علي أغنية أحمد مكي الجديدة “أغلي من الياقوت” كلمات وفيديو التي حققت 7 مليون مشاهدة

كلمات أغنية أغلي من الياقوت لأحمد مكي :-

_ طرحت شركة Mekky Music Production أغنية أغلي من الياقوت، الأغنية من كلمات وغناء أحمد مكي، وتوزيع وألحان شادي السعيد، مخرج الكليب أحمد مكي بالمشاركة مع مدير التصوير أحمد يوسف، قام الفنان بتصوير كليبه في صحراء الفيوم وبحيرة قارون للإستمتاع بالمناظر الطبيعية الجذابة بالفيوم.

_ وجديراً بالذكر تعاقد أحمد مكي مؤخراً علي فيلم جديد مع المنتج أحمد سمير لعام 2019، وكانت آخر أعماله الغنائية أغنية “آخر شقاوة” الذي قدمها مع الفنان المشهور محمود الليثي، وحصلت علي 11 مليون مشاهدة.

اقرأ أيضاً:

كلمات أغنية أغلي من الياقوت:

يوم ميلادك يوم مالدنيا انت جيت
أول علاقتي بيك صوتك مبيني وبينك حيط
سمعت صوتك استغربت أتلخبط اتشديت
قلبي أتنفض ما بين ضلوعي ومن الفرحة بكيت
أول ما شوفتك الدنيا لفت بيا
ربى حبني ووهبى من عنده هدية
سرحت فيك ساعات فيك منى كتير حاجات
يا رب تاخد منى بس الحلو اللي في الصفات
وفى وسط زحمة فرحتي فاجأه هجم سكات
مخلوط صور ابيض في اسود من اللي عيشته ومن اللي فات
يمكن عشان الضلمة في طفولتي كانت اكتر من النور
عيل صغير قال بسم الله وقام يعدى في بحور
مش شايف شط أو مينا لأخر البصر مفيش أمل
كان نفسى في حد يعلمني وينصحني ويبقالى المثل
ربك حماني واتولانى برحمته مفيش جدل
بعد ما كل سكة اتسدت واسودت والباب قفل
يا رب يا كريم أهديني وقويني ووفقني
لسكة تربيته على الشئ السليم
عارف إني مش مثالي
بس طمعان في كرمك تخلى حاله احسن من حالي
وأنا أوعدك يا رب هحاول أبقي احسن أب
واديه اللي ما شوفته في نهر طفولتي اللي نضب
كل يوم بيعدى وأشوفك فيه بتكبر
بتفاجئ أن طفولتي بتظهر فيك اكتر واكتر
ابتسامتي وضحكتي والمشي وحتى تكشرتى
حتى نومتك رجل فوق رجل دي نسخة من نومتي
قبل وجودك الدنيا ماكتش فارقه معايا
قلبي ده كان قلب حجر دي مش كفاية
جلدي تخن من قسوة الدنيا ومن مر الحكاية
بقيت زعلان على الشخص اللي شايفه في المرايا
لحد ما انت جيت غيرتني وكنت الهدائة
فتحت بايدك كل أبواب الرحمة جوايا
لما بحضنك واحس بدقة قلبي جنب قلبك
ميه في الميه ما حبتش في الدنيا قدك
لما بحضر أول مرة ليك في أي حاجة
قلبي بيرفرف واحس بألف حاجه وحاجه
إحساس غريب جزء منى أتحول إنسان
بيزعل وبيفرح وبيزرع جوايا الحنان
خايف عليك من الدنيا يا أبني ملهاش أمان
وبدعي ربنا يحميك ويصونك هو الرحمن
كتبت رسالة ليك عشان لو قدرى حان
ومش مكتوب اكون جنبك لأخر الامتحان
عايزك تكون صاحب عزيمة فولاذ حديد
مهما الدنيا تحبطك صمم خليك عنيد
خليك واثق في نفسك عن حلمك إياك تحيد
مهما اسود الليل وطال هيطلع فجر جديد
عاوزك لربك شاكر ولجهد الناس تقدر
وأوعي تظلم مهما كنت قادر ربك هو الأقدر
أوعي تفضح أي إنسان لو ربك ستر
كما تدين تدان متضمنش القدر
لو قولت كلمة حق والناس قامت عليك
كأنهم قالولك مبروك تسلم أيديك
عشان الكلب الميت ضرب مش مطلوب
لكن لو كان شجر مثمر بيتحدف بالطوب
لو يوم ذنوبك تقلت ارجع لربك توب
ربك لو حبك هيحبب فيك كل القلوب
ساعات بسرح واسأل نفسى والدماغ تفكر
يا ترى هتبقى فعلا ظهرى لما اكبر
لما العجز يبدأ ينهش فيا ويجور عليا
في عز إحساسي بضعفي هيكون قلبك عليا
لما اللسان يتقل والكلام يصبح بطئ
وأعيد نفس الكلام اكتر من مرة أرجوك تطيق
ياما طلبت منى أعيد حكى الحدوتة كتير
وفى كل مرة كنت اعيدلك قلبي كان بيطير
لما تلاقيني قدمت ومش مواكب عقل جيلك
متركنيش في جهلي علمني من غير ما أجيلك
خليك عنيا نورلى طريقي لمنتهاة
وافتكر إني من علمك معنى الحياة
لما ابطل اقدر امشي لوحدي خطوتين
لما اكون اضعف من إني اقدر اشرب من غير معين
لما تموت الذاكرة وبالعافية اعرف انت مين
وجودك جنبي كفاية لحد ما يجيلى اليقين
كلمتين هقولهم عندي أغلى من الياقوت
كنت معاك يوم ولادتك عايزك جنبي يوم ما أموت

فيديو كليب أغلي من الياقوت للفنان لأحمد مكي :-


قد يعجبك ايضا

اترك رد

لن يتم نشر عنوان بريدك الإلكتروني.