التخطي إلى المحتوى
ازاي تكسب دخل محترم من موقع (نجوم مصرية)

في البدايه احب اوضح ان دي وجهه نظر شخصيه وليست قاعده اساسيه حبيت اشاركها وال يقتنع يجربها وال مايقتنعش مش معني كده انه هيفشل في الربح من موقع( نجوم مصريه).

في الاول كده الموقع ده بيشتغل بنظام مشاركه ارباح ادسنس… طيب يعني ايه ؟

يعني حضرتك بقالك شهور ويمكن سنين بتحاول انك يكون عندك حساب ادسنس وده عشان لو بتنشر مقالات او عندك مدونه في اي مكان بتنشر عليها اي محتوي سواء مكتوب او فديو او صور تضيف اعلانات ادسنس فيها وتربح من زوار موقعك ‘ بس للاسف مش عارف تحصل علي حساب مفعل والسبب في كده شروط ادسنس الصارمه ‘ نجوم مصريه‘ حلتلك المشكله دي وهتنشر زي مانت عايز في المجال ال تحبه بشرط انه ميكنش مخالف لسياسه جوجل ادسنس وده من خلال ان صاحب الموقع ده الدكتور المحترم عبدالرحمن الليثي بيعملك ايميل علي الموقع  ومن وكمان من خلال فريق العمل هتطلب منهم قناه في حساب ادسنس تضفها عندك في ايميلك عشان المقالات ال تكتبها يظهر فيها الاعلانات .

طيب الموقع مستفاد ايه ؟ سؤال طبيعي انك تسأله.

بص ياسيدي الموقع ده من المواقع الاولي في الوطن العربي يعني بيدخله الاف الزوار في اليوم الواحد فمن الطبيعي عشان حجم الموقع الكبير محتاجين ناس بتحب كتابه المقالات عشان يغطو نوعا ما كل المجالات وكمان ياسيدي انت الارباح ال بتتحسبلك انت مش بتحصل عليها كلها لان الموقع بياخد منها 20% وانت 80% وفي اغلب الاوقات وعلي حسب المشرف ال فاتحلك قناه ادسنس في حسابه بتاخد ارباحك كامله ومش هطول في النقطه دي عشان مش هو ده الموضوع الاساسي.

بعد كده هتقولي طيب انا حساب الادسنس مش ملكي انا معايا قناه في حساب واحد تاني اضمن منين ان انا اخد ارباحي ؟

ياباشا فريق العمل ده فريق محترم مختارهم الراجل المحترم صاحب الموقع ده بنفسه وهم حوالي 4او5 بس ممكن تشتغل مع واحد فيهم وبيديك كل المعلومات ال بتحتاجها بشكل يومي من ارباحك وعدد زياراتك .

هتقولي طيب ياعم انت واثق فيهم بس انا مش واثق انا ايه يضمنلي اتعب علي الفاضي ؟

ياعم سهله حضرتك لو حسيت انك مظلوم ممكن تكلم صاحب الموقع وهو هيجيبلك حقك.

طيب وانا هتواصل مع الناس دي ازي ؟

هتتواصل معاهم عن طريق الفيس بوك هتجيب اميل الدكتور عبدالرحمن الليثي من صفحه نجوم مصريه علي الفيس بوك تكلمه وتقوله انك عايز تشترك هيعملك عضويه ويديك ايميلات الفريق ال هيفتحلك قناه ادسنس عشان تحتسب ارباحك.

طيب وارباحي دي هاخدها ازاي ؟

في طرق كتيره بس افضل طريقه انك تتفق مع المشرف ال بتشتغل معاه انه يحولهالك عن طريق فودافون كاش هتقلي معنديش هقولك والله هي يعني مش 1000 جنيه دا ببلاش انزل اقرب فرع ليك وقوله عايز افتح حساب فودافون كاش.

طيب انا مش عارف اجيب مواضيع لان كل المواضيع تعتب موجوده علي الانترنت والموقع مش بيقبل المقالات المنسوخه اعمل ايه انا اجبلهم مواضيع منين ؟

بص انا هقولك مثال ويارب تفهم قصدي ايه..

لو انت في كليه نظريه يعني 70% منها بيعتمد علي الحفظ هتعمل ايه لوجالك سؤال في الامتحان اجابته في الكتاب 5 صفحات هل حضرتك هتحفظ ال 5 صفحات بالنص اكيد مش ممكن والا الدكتور هيعتبرك حاله من اتين ياغاشش من الكتاب ياغاشش بسماعه وفي كلا الحالتين سقطان سقطان طيب ايه الحل ؟ الحل انك تمسك ال 5 صفحات دول تلخصهم بطريقتك عشان تنجح بس ياسيدي ونحوم مصريه هنا هي الدكتور والموضوع ال علي موقع تاني هو الماده ال هتمتحن فيها والطالب هو انت . يبق حضرتك لو كتبه الموضوع كما هو هتتحذف عضويتك اما اذا اخدت الفكره وكتبتها انت بطريقتك تبق انت كده شغال صح.

طيب انا كتبت كذا موضوع والمكسب مش مجدي والزيارات قليلقه اعمل ايه ؟

بص في قبلك كتير بالمئات اشتركو في نجوم مصريه وفشلو وتركو مجال التدوين وده بسبب انهم مفكرين ان ال يشترك في نجوم مصريه يبق اتوظف في شركه بترول وانا عشان اريحك هقولك مثال بسيط لو فهمته هتعرف ليه زياراتك قليقه.

بص ياسيدي لو انت مثلا عندك سوبر ماركت مافيهوش غير 3 سلع بس هما الموجودين فيه بغض النظر عن نوع السلعه تعتقد كام مشتري في اليوم هيدخلوه 10 طيب 20 طيب 30 اعتقد مش هيزيد عن كده والا تبق بتضحك علي نفسك ‘ طيب لو انت عندك سلع كتير هيدخلك كام واحد هيشترو منك في اليوم اعتقد اقل من 100 واحد مش ممكن .

فالمقصود هنا اني عايز افهمك وبغض النظر عن الشروحات الموجوده في الموقع وال هي مهمه بردو من العنوان الجذاب الي الموضوع الممتاز الي الكلمات المفتاحيه الا اني شايف انك ممهما تكون محترف في الكتابه وانك تقدر تتصدر نتائج البحث بردو مش هتقدر تكسب دخل محترم الا اذا كان عندك كميه موضوعات كتيره يعني مالقيش مثلا عدد مقالاتك في الشهر 20 اه انت هتكسب بس مش المكسب ال في دماغك ال هو يخليك تعتمد علي التدوين كدخل ثابت .

يعني تعال كده اقلك مثال واحكم انت بنفسك .

لو انت محترف وبتقدر تعمل مقال ممتاز لكن اخرك 20 مقاله في الشهر .

وفي نفس الوقت في واحد غيرك مش محترف قوي لكن عدد مقالاته في الشهر 90 او 100 مقاله .

تعتقد مين احسن انت ولا هو . شوف كده هو لو كل مقاله من ال 100 ال نشرهم جابت 50 زاير في اليوم يبق 50×100 = 5000 زاير في اليوم يبق في الشهر 5000×30= 150000 زاير في الشهر ودا طبعا علي حساباتي انا الشخصيه .

ومش معني كده انك تركز في عدد المقالات بس وتترك النصايح التانيه او تكتبلي مقال مالوش اي لازمه طبعا لا لان كل ده عوامل بتكمل بعضها لكن زي ماقلتلك مقالاتك هي بضاعتك كل ماكانت كتير ومحتواها كويس كل ماكانت فرصه حصولك علي زوار اكتر وكمان نصيحه صغيره كده حاول دايما انك تعتمد علي المقالات ال مش مرتبطه بفتره معينه لان المقالات ال محدده بفتره دي بيكون عدد زوارها محدود زي مثلا مقاله عن سع؛الذهب اليوم او سعر الحديد او البورصه فكل دي مدته 24 ساعه بس اما المقالات المفتوحه المده زي مثلا كلمات الاغاني ووصفات الطبخ بتجيب عدد زوار كويس علي المدي الطويل لان لا كلمات الاغنيه هتتغير ولا وصفه الطبخ كمان .

واخيرا احب اقول ان دي وجهه نظري الشخصيه قد اكون وفقت وقد اكون اخطأت وشكرا لكم ولنجوم مصريه.

 

التعليقات

اترك تعليقاً

لن يتم نشر عنوان بريدك الإلكتروني.