حلت المطربة المعتزلة زيزي عادل، ضيفة على الإعلامية ياسمين عز، مقدمة برنامج “كلام الناس” الذي يعرض عبر قناة “MBC مصر”.
وتحدثت زيزي، خلال الحقة عن تجربتها في برنامج اكتشاف المواهب الشهير “ستار أكاديمي” قائلة: “لو رجع بيا الزمن أكيد مكنتش هروح.. عشان دلوقتي بعد قراراتي وبعد تغيير فكري وتقربي من ربنا وكل اللي بيحصلي ده يخليني في حاجات كتير كان ممكن أقول ياريتني ما عملتهاش”.
وأضافت: “بس في الآخر أنا من الناس اللي ما بندمش.. بشوف إن كل حاجة حصلت في حياتي ليها ترتيب.. وربنا مسبب الأسباب وكل حاجة حصلت لسبب معين فخلاص كل شيء حصل”.
وتابعت: “تجربتي في ستار أكاديمي هي كانت بداية النجاح الانطلاقة بعد البرنامج أنا نزلت مشهورة معنديش أغاني معنديش أي حاجة ألبومات بس زيزي عادل مشهورة كإنها نجمة بقالها 10 سنين بتغني.. ونزلت لقيت عروض من شركات كبيرة والمطار أنا ما صدقتش.. كنا جوه ومش فاهمين بره إيه اللي بيحصل مش عارفة في أخبار بتتكتب عليا ولا لأ “.
الجدير بالذكر أن المطربة زيزي عادل، قد أعلنت اعتزالها بشكل نهائي في منتصف رمضان 2022، من أجل التقرب إلى الله، مؤكدة أن الفن كان مصدر دخلها الوحيد، ولكنها تركته وهي تعلم أن الله سيرزقها ويعوضها خيرًا.
