تحدثت الفنانة وفاء عامر، خلال لقائها مع الإعلامية ياسمين عز، في أولى حلقات الموسم الجديد من برنامج “كلام الناس” الذي يعرض عبر قناة “MBC مصر” عن التجسس على هاتف زوجها.
وفاء عامر: زمان كنت بفتش في موبايل جوزي لحد ما لقيت الدين بيقولي لأ
حيث قالت وفاء، أنها ضد ذلك مشيرة إلى أنها اكتشفت أن الدين ينهينا عن التجسس، مُعلقة: “زمان كنت بفتش في موبايل جوزي لحد ما لقيت الدين بيقولي لأ.. الدين بيقولي تصوري ع التليفون لأ.. تخيلي.. لإن في آية قرآنية بتقول (يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ)”.
وأضافت: “ما تدوريش.. ليه تدوري تنكشي ع النكد.. ليه؟ انتي ممكن تروحي للمأذون بسبب تليفون ليه؟ ليه يبقى مضطر يقول لحد شكرًا حبيبتي ألف شكر.. انت بتقولها يا حبيبتي.. يعني ليه مثلًا أقوله جارتنا وهي طالعة إزي حضرتك عامل إيه فأنت رديت قولت الحمد لله وابتسمت ليه؟”.
وتابعت: “الراجل ما بيحبش الست الزنانة.. هو بيوصل ساعات لمرحلة إن هو يبقى عنده خرس نتيجة النكش عن المشاكل”.
وعن سر نجاح واستمرار علاقتها بزوجها المنتج محمد فوزي، والتي استمرت أكثر من 20 سنة، قالت الفنانة وفاء عامر: “محدش بيعرف عني حاجة يعني لو اتخانقت مفيش حد ما بيتخانقش والحياة مش وردي مع كل الناس.. بس ما بتطلعش بره البيت.. أنا ممكن أبقى زعلانة وعند أمي بس أقول يالا عشان سي محمد جاي نأكله.. محدش يعرف ولا أهل البيت ولا ابني”.
وأكملت: “أنا أعتقد لو حد بيدخل في موضوع علشان يحل المشكلة الكرامة بقى والدنيا بتولع زيادة.. فالأفيد إن أي زوج وزوجة زعلانين مع بعض مفيش حد يدخل بينهم.. ولو حد فيهم صمم لازم الآخر يتنازل.. ولازم يعرفوا بعض كويس قبل الجواز لإن ما ذنبهمش حاجة الأطفال”.
