بالفيديو.. تامر أمين ساخرًا: كان حلم عمري ارتبط بسما المصري

حل الإعلامي تامر أمين، ضيفًا ببرنامج “العنيدة” الذي تقدمه الإعلامية رقية اليزيدي، ويعرض عبر قناة “الشمس”.

بالفيديو.. تامر أمين ساخرًا: كان حلم عمري ارتبط بسما المصري

وعرضت مقدمة البرنامج مقطع من مقابلة الفنانة الاستعراضية سما المصري، وهي تتحدث عن تامر أمين، والتي رفضت ذكر أي تفاصيل عنه قائلة: “ما بحبش أي بني آدم عايز حاجة وما وصلش ليها ينتقد الناس.. عيب”.

وسألته رقية اليزيدي، عن علاقته بسما المصري، قائلة: “انت فعلًا كان نفسك ترتبط بسما المصري؟”، ليرد عليها ساخرًا: “نفسي يا نهار أبيض.. ده كان حلم عمري ده أنا بشتغل وبكون نفسي طول عمري عشان يحصل ده.. بس للأسف ما رضتش بيا.. للأسف مش مستوايا أنا إيش وصلني”.

وأضاف أمين، قائلًا: “كل حد من حقه إنه يقول بس في قدر من العقل عند الناس اللي يصدق وكلامه ده يصدق ولا لأ؟”.

ووجهت له مقدمة البرنامج سؤالًا آخر، قائلة: “مش ملاحظ إن كلام إيناس الدغيدي زي كلام سما المصري إنك بتسهر معاهم وبعد كده بتطلع تتكلم؟ سما قالت برضه إنك انت بتخرج وبتسهر معاها وبتطلع تاني يوم تهاجمها.. انت برضه قولت كده على سعد الصغير ودينا وفيفي عبده.. شاغل دماغك بالرقاصات بس ولّا إيه؟”.

ليرد عليها أمين، قائلًا: “أنا بقولك أهو هاتيلي كائن فضائي شافني مع سما في الطريق الصحراوي حتى مش في مكان عام”، لتسأله: “يعني ما طلبتش منها تبقوا مع بعض تخرجوا تتفسحوا الكلام ده أصدقاء؟”، ليرد عليها قائلًا: “انتي واعية للي بتقوليه ده؟ هي تقول اللي عايزاه.. الناس ضحكت على كلامها.. أليس فيكم رجل رشيد”.

اترك تعليقاً