سمية الخشاب تعليقًا على فيديو طالبة جامعة المنصورة: ربوا أولادكم عشان قرفنا منكم ومنهم

علقت الفنانة سمية الخشاب، على واقعة مقتل طالبة جامعة المنصورة نيرة أشرف، على يد زميلها أمام بوابات الجامعة قبل دخولها الامتحان.

تعليقًا على فيديو طالبة جامعة المنصورة: ربوا أولادكم عشان قرفنا منكم ومنهم

وقالت سمية، في عدة تغريدات متتالية عبر حسابها الرسمي على موقع “تويتر”: “أرجوكم لو لقيتوا أي ست بتتضرب أو بتتعرض لعنف في أ] مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا أولادكم بقي عشان قرفنا، متخلفوش لو انتوا مبتعرفوش تربوا كفاية!! وإعدام إن شاء الله”.

وأضافت: “المهم وأنا ببص كده علي التعليقات لقيت شويه مرضي نفسيين ميقلوش إجرام عن اللي ارتكب الجريمة بيلوموا البنت ويقولوا كانت لابسه لبس مش محتشم وبيبرروا دبحها، يعني اتدبحت وراحت حياتها وكمان مذنبه، لازم الناس دي تفوق لإنهم بيبقوا مشاريع إجرام وربوا أولادكم عشان قرفنا منكم ومنهم”.

وتابعت: “وحبيبتي نيرة في الجنه إن شاء الله، وان شاء الله تكوني سبب انه العنف والقرف ده يقف بعقاب رادع يبقي عبره لأي حيوان بشري يفكر بس يلمس شعره من بنت مش يدبحها، منه لله وان شاء الله عقاب اسود في الدنيا وفي الآخرة”.

اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.