كشفت الفنانة صفاء جلال، آخر تطورات الحالة الصحية للفنانة والإعلامية شيرين الطحان، التي تعرضت لوعكة صحية مفاجئة في الفترة القليلة الماضية، دخلت على إثرها غرفة العناية المركزة بأحد المستشفيات.
وقالت صفاء، في تصريحات صحفية: “شيرين لسه بتعاني من التعب الشديد.. والدكاترة بيجربوا أدوية جديدة وبيحاولوا يوصلوا لحاجة تتماشى مع مرضها ويارب يلاقوا العلاج اللي يناسب حالتها”.
وأضافت: “هي دلوقتي في غرفة عادية بعد ما اتنقلت من العناية المركزة.. وأنا حاولت أزورها بس الأطباء منعوا عنها الزيارة نهائيًا.. وبتمنى الزيارة تتفتح تاني عشان أطمن عليها”.
كانت شيرين الطحان، قد كشفت تفاصيل حالتها الصحية منذ فترة قائلة: “كان فيه مشكلة في القلب والرئة.. ولما دخلت الطوارئ قالوا عندي اشتباه في جلطة”.
وأضافت: “عملت تحاليل وكانت الصفايح الدموية مش كويسة وقالوا لازم يتنقل دم وبوتاسيوم.. وحجزوني في المستشفى بس أنا خرجت على مسؤوليت عشان ما بحبش المستشفيات”.
وتابعت: “لما وصلت البيت تعبت ورجعوني المستشفى ودخلت العناية المركزة.. وامبارح نقلولي بوتاسيوم ومستنية أكياس الدم اللي هتتنقلي.. والموضوع صعب إحنا دلوقتي مستنيين الدكتور يبعت لي عينة التأكد وبعدها نحجز أكياس الدم”.