حل الفنان شريف دسوقي، ضيفًا على الإعلامية راغدة شلهوب، مقدمة برنامج “سابع سما” الذي يذاع عبر قناة “النهار” الفضائية.
شريف دسوقي يهاجم أشرف عبد الباقي: اللي بيقدمه ما اسموش مسرح
وتحدث شريف، خلال الحلقة عن كواليس أزمته الصحية، ونجاح مسلسل “بـ 100 وش” الذي عرض في رمضان 2020، واتهامه بالغرور بعد النجاح الكبير للعمل الذي شهد انطلاقته في عالم الفن.
وانتقد شريف، المسرح الذي قدمه الفنان أشرف عبد الباقي، قائلًا: “كدراسة المسرح اللي قدمه على سنين طويلة أخد من المسرح المصري كتير وفي شواهد كتيرة بتقول كده”.
وأضاف: “المقصود إن مفيش أبدًا في الدنيا عرض بيطلع في أسبوع أو 10 تيام.. ومفيش أبدًا في الدنيا إن ممثل يخش ع المسرح يقعد يهزر مع زميله وبعدين يخش اتنين تانيين يقعدوا يهزروا.. يخرجوا يخش اتنين تانيين يقعدوا يهزروا وفي الآخر نقول ده عرض مسرحي”.
وتابع: “أنا هنا بتكلم فنيًا.. دي بيسموها اسكتشات ده ما يتسماش مسرح.. ده ما اسموش مسرح.. لما اتنين يخشوا يهزروا فترة طويلة ومفيش لا حدث بيتطور ومفيش مضمون بيتقدم ده ما اسموش مسرح.. كل أساتذتنا اللي درسوا لنا المهنة طلعوا قالولنا كده”.
